Këngëtarja Elhaida Dani u rendit e dyta në “Kënga Magjike 2017”. Këngën “E ngrirë” me të cilën u prezantua në këtë festival e ka sjellë dje edhe në versionin e saj origjinal në anglisht “Amazing”. Kjo këngë është pritur shumë mirë dhe ka marrë mbi 80 mijë shikime, duke shënuar kështu suksesin e dytë të saj pas “Këngës Magjike”
Elhaida Dani ishte e ftuar dje tek “Rudina” ku foli për herë të parë edhe për jetën e saj private. Këngëtarja tregoi se akoma nuk ka diçka reale për të folur rreth jetës së saj private, por shtoi se djali që do të jetë në krahë të saj duhet ta trajtojë si princeshë.
“Nuk ka asnjë të re që do të doja ta bëja publike. Unë njoh kaq shumë njerëz në përditshmëri që ndër ta mund të jetë edhe personi ideal, por kur takoj shoqen time të ngushtë ajo më thotë: Dëgjo Elhaida, ty mund të të vijnë shumë propozime, por djali që duhet të jetë me ty duhet të të trajtojë si princeshë. Dhe unë tani vërtet mendoj se ai që do jetë krah meje duhet të më trajtojë vërtet ashtu siç unë besoj se e meritoj”,- tha Elhaida tek“Rudina”.
