Danjeli dhe Fotinia janë ndër të vetmit çifte që arritën ta ruajnë të fortë dashurinë e tyre edhe pas daljes nga “Big Brother 9”. Çifti tha se vjeshta do të ishte stina e tyre dhe nëntori muaji i madh që do të mblidhte të gjithë miqtë në një ceremoni të veçantë, por rrugës i ndryshuan planet.
Të ftuar në emisionin “Pop Culture”, çifti ka zbuluar edhe planet e tyre të reja për të organizuar ceremoninë e tyre të dasmës. Duke iu përgjigjur pyetjes se përse u anulua dasma ata zbuluan edhe se kur do ta bëjnë dasmën e tyre të vërtetë.
“Ne po mendonim ta bëni gjatë verës…”, tha Danjeli duke specifikuar se nuk kanë ndonjë arsye të veçantë, por kanë menduar se ajo është koha më e mirë.
Ndërsa Fotinia shton se më 27 maj, ata bëjnë një vit të martuar zyrtarisht dhe ajo kohë do të jetë ideale për të bërë një dasmë të madhe.
“Për verë do ishte më mirë, menduam, sepse tani na mungojnë edhe disa njerëz nga familja”, tha Fotinia në “Pop Culture”.
