Emocionet bëjnë të vetën dhe Fifi nuk arriti të jepte më të mirën e saj në skenë. Ajo ka reaguar në një status në Instagram për faktin se nuk e realizoi këngën siç duhej.
“Unë i lexoj komentet, rrallë më ikën ndonjë koment!”, – shkruan Fifi. “Ai qiell në skenë që kisha nuk ishin thjesht drita, ishin ca yje që merrnin frymë dhe që po ndjenin këngën time në çdo frymë sikurse unë.”
“Unë e di që s’kam kënduar ashtu siç e meriton ‘Zhurma’ të këndohet dhe që kam zhgënjyer shumë njerëz, edhe ato më të dashurit e mi, po emocionin që kam përjetuar s’do ta ndërroja me asnjë gjë, madje as me ato nota që kam bërë gabim. Por një gjë ta keni të sigurt, që po shkova në finale do t’ju nderoj. Ps. më ra mësysh se nuk ka mundësi”.
Epo, nëse Fifi do të kalojë në finalë kjo mbetet për t’u parë ashtu sikurse performanca e saj. Të gjithën do të mësojmë të shtunën në mbrëmje.
