Fotoja e saj e parë me një mashkull misterioz u publikua në qershor dhe sërish Marsela Çibukaj nuk dha asnjë detaj më shumë. Këngëtarja shfaqej krah një mashkulli shumë simpatik dhe na ka lënë të kuptojmë se në fakt na kishte prezantuar të dashurin e saj.
E ftuar në “Pop Culture” Marsela ka treguar më në fund identitetin e djalit edhe pse nuk e ka quajtur një të dashur, por “një shok shumë i mirë i saj”.
“Quhet Emanuele, është italian, një shok shumë i mirë i imi, kemi shumë vite që njihemi”, tha ajo.
E pyetur pse të gjithë po thonë që ai është i dashuri i saj, Marsela, pa i kursyer as këtë herë batutat, ia kthen:
“Ashtu po thuhet? Epo fajin e ka Artjola Toska që pas asaj fotoje tha “të trashëgoheni”. Pas Artjolës filluan me radhë dhe të tjerat. Të gjithë janë shumë të kënaqur që po martohem. Kur të vijë momenti, do t’ju sjell llokumet”.
Me humor këngëtarja, “Dasmën e kemi lënë për 2018-n”. Ne po presim!
