Këtë herë ndryshe nga çdo vit tjetër, prezantueset e “Këngës Magjike”, na habitën me veshjen e tyre.
Bukuroshet Nevina Shtylla dhe Arjola Shehu, qëndronin në krah të prezantuesit Ardit Gjebrea këtë vit, bashkë me dy aktorët e humorit, Bes Kallaku dhe Erjon Isai.
Dhe në vend të dekoltesë ato u shfaqën në fillim më kostume, të kuruara nga stilisti Joni Peçi. Grupi i moderatorëve dolën bashkë në skenë me një uniformë të njëjtë thuajse, xhaketë serioze, këmishë e bardhë dhe pantallona.
Por sigurisht kjo paraqitje ishte për të dhënë një mesazh që femrat nuk merren në skenë vetëm për bukuri.
Veshja e tyre e dytë, ishte akoma më e veçantë. Me fustane të gjatë klasikë, vajzat i dhanë hijeshi skenës dhe partnerit, Ardit Gjebrea.
