Bes Kallaku dhe Erion Isai ishin dy bashkëprezantuesit e “Këngës Magjike”, të cilët me humorin e tyre ia shtuan lezetin akoma më shumë këtij festivali. Me batuta dhe humor, dyshja simpatike, ka ironizuar maninë e vajzave për të postuar foto në “Instagram”.
Këngëtarja Xhensila Myrtezaj duket se ka qenë një ndër frymëzueset për të bërë këto skena humori.
“Xhensila ishte sëmurë para një koncerti: ‘Obobo si do këndoj’, thoshte ajo. Se si më shkoi në mendje që t’i bëja një foto. Çfarë t’iu tregoj gati po fluturonte. I shkoi direkt temperatura 36”, tregoi Besi duke imituar çdo lëvizje të Xhensilës dhe duke shkaktuar të qeshura në sallë.
Xhensila ishte e pranishme në sallë dhe e ka marrë me shumë humor dhe sportivitet këtë skenë. Këngëtarja ka postuar edhe disa foto në “Instastory” ku shihet duke xhiruar Besin dhe shkruan: “Krenaria ime, lumturia ime.”
