Mariah Carey dhe ish-i fejuari i saj, James Packer i dhanë fund lidhjes së tyre në vitin 2016. Kjo ndarje u shoqëruar edhe me një kërkesë nga ana e këngëtares, sipas së cilës ai i detyrohej t’i paguante një shumë të madhe parash.
Një raportim i ri thotë se këngëtarja e njohur nga kjo ndarje ka përfituar disa miliona dollarë, por që kjo shumë është akoma larg asaj që ajo ka kërkuar.
Sipas të njëjtit burim, Carey dhe Packer kanë arritur muaj më parë një marrëveshje ku ranë dakord që këngëtarja ta mbajë unazën e saj të fejesës 35 karatësh.
Dhe mes unazës e parave kesh duket se këngëtarja do të ketë në duar një shumë prej 5 deri 10 milionë dollarë.
Kur çifti u nda në muajin tetor të vitit 2016, diva kërkoi që Packer t’i paguante 50 milionë dollarë.
Në atë kohë, ajo pretendonte se ishte Packer ai që e bëri që ajo të transferohej nga New Yorku në Los Anxhelos duke ndryshuar kështu rrënjësisht gjithë jetën e saj, që ai mund të ishte pranë fëmijëve të tij.
Ajo ka thënë gjithashtu se ai ka bërë “premtime financiare” për të.
Më 27 tetor, TMZ duke cituar një burim të afërt me këngëtaren raportoi se i fejuari i saj i ka bërë “diçka të tmerrshme” asistentes së këngëtares ndërkohë që çifti ishte në Greqi.
Sipas të njëjtit burim, këngëtarja ishte shumë e traumatizuar sa u detyrua të anulojë turneun e saj në Amerikën Jugore, gjë që ajo e ka përfshirë në kërkesën e saj për 50 milionë dollarët.
