Çokollata lidhet rrallë me shëndetin, por më në fund kemi lajme të mira për të dashuruarit pas kësaj ëmbëlsire.
Një studim i ri i kryer nga Shoqata Amerikane e Zemrës ka zbuluar se, të hash çokollatë të paktën pesë herë në javë do të zvogëlojë rrezikun e sëmundjeve të zemrës.
Por kujdes, ky përfitim vlen vetëm për një kategori të caktuar personash.
Studimi zbuloi se ngrënia e kësaj sasie çokollate do të ndihmojë vetëm personat që janë mbipeshë dhe janë të ndjeshëm ndaj sëmundjes së arteries koronare.
Kjo për shkak se ndikimi i çokollatës në zemër është i vogël dhe prandaj nuk ka dobi për ata njerëz që nuk vuajnë nga kjo sëmundje apo që janë elegantë.
Hulumtimet e mëparshme kanë zbuluar se çokollata e zezë është e mirë për zemrën, pasi ka shumë antioksidantë, që rritin qarkullimin e gjakut, luftojnë kolesterolin, ulin presionin e gjakut dhe ndalojnë mpiksjen.
Ata dolën në këtë përfundim pas studimit të dietës ushqimore të 148,465 veteranëve ushtarakë amerikanë.
Rezultatet treguan se ata që hëngrën të paktën pesë çokollata në javë, nuk pësuan asnjë shqetësim me zemrën.
Kjo nuk do të thotë që ju duhet të filloni të hani çokollatë si të “çmenduar”, por mund ta merrni në konsideratë.
Burimi: Indy100
