Gjërat po iu shkojnë keq sot? Nuk përqendroheni dot në punë, keni një takim të rëndësishëm dhe keni ngecur në një trafik të tmerrshëm?
Ndoshta duhej të kishit pritur paksa dhe të mos kalonit pas maces së zezë, që ju ndërpreu rrugën sot në mëngjes, ose duhej të tregoheshit më të kujdesshëm dhe të shkelnit kripën që gjetët rastësisht sot në pragun e shtëpisë. Por, jo vetëm.
Sot është e premtja e zezë që askush nuk do ta donte. Supersticionet janë besime dhe zakone irracionale të cilat gjenden në të gjitha kulturat dhe mendësitë. Ato kanë lindur bashkë me njerëzimin dhe shpeshherë janë ngërthyer keq në besimet e gjithsecilit, siç është p.sh. thyerja e pasqyrë, kryqëzimi i gishtave apo dhe e premtja e datës 17-të.
Ky supersticion i ka rrënjë thellë në histori, që prej kryqëzimit të Jezu Krishtit të premten e zezë të 17-ës. Gjithashtu edhe në Testamentin e Vjetër e premtja 17-të është data kur ndodhi përmbytja e botës që më pas ndryshoi rrjedhën e historisë.
