Sot bëhen 3 vite nga ndarja nga jeta e Dr. Florit. Një ikje e papritur që solli shumë dhimbje jo vetëm për familjarët, por edhe për miqtë dhe të gjithë ata që e njihnin dhe dashuronin muzikën që ai bënte.
Dr. Flori u ngjit në skenë për herë të parë 15 vite më parë si pjestar i grupit “West Side Family”, për të kënduar këngë që më vonë do të ktheheshin në hite.
Dr. Flori është i gjallë mes nesh me këngët dhe veprat që ai la pas.
Bashkëshortja e tij Blerina mbart në zemër brengën dhe dashurinë më të madhe për të. Sot përmes disa fotove në “Instastory” Blerina na kujton disa nga kujtimet më të bukura që ata kishin si familje.
“3 vjet pa babin”: shkruan Blerina duke treguar se sa shumë i mundon Flori Kaltrinës dhe Danielit.
Gjithashtu edhe i vëllai Alban Kondi ka postuar një foto të të vëllait ku shkruan: “Si dashuri e pavdekshme, ashtu si drita e zemrës që kurrë nuk shuhesh.”
Miqtë më të ngushtë të Dr. Florit e kanë kujtuar gjithashtu këngëtarin e njohur që la gjurmë të thella në muzikën shqiptare.
“3 vjet pa ty Flor. I mungon familjes, miqve dhe atyre që deshën shpirtin tënd”: ka shkruar Aurela Gaçe
“3 vite pa Florin”: ka postuar gjithashtu miku i tij i ngushtë Ermal Mamaqi.
