Bosi i njohur i mafias siciliane, Salvatore “Toto” Riina ka ndërruar jetë pasi vuante nga kanceri.
Riina, 87 vjeç, ish-shefi i Cosa Nostrës, u burgos në vitin 1993. Ai po vuante 26 dënime të përjetshme dhe besohet të ketë urdhëruar më shumë se 150 vrasje.
Riina kishte qenë në koma mjekësore dhe familjes së tij i ishte dhënë leje e veçantë për ta vizituar atë në krahun e të burgosurve të spitalit në Parma, Italinë veriore.
Ai vuante nga kanceri në veshka, nga zemra dhe sëmundja e Parkinsonit.
Riina u lind në vitin 1930 në një familje fermerësh të varfër në Corleone, Sicili – vendlindja e Don Corleone, kumbari në trilogjinë e filmit të Francis Ford Coppola.
Babai i tij u vra kur ishte 13 vjeç dhe në moshën 19-vjeçare ai u bashkua me mafian lokale, duke kryer vrasjen e tij të parë për të fituar hyrjen në këtë klan.
Riina kapi kontrollin e grupit të krimit Cosa Nostra në vitet 1970. Reputacioni i tij për mizori bëri që ai të merrte pseudonimin “Bisha”.
Ai kaloi pothuajse një çerek shekulli duke iu shmangur drejtësinë – duke mbetur gjatë gjithë kohës në ishullin e Sicilisë.
Në vitin 1992, dy gjyqtarë kundër mafias – Giovanni Falcone (i dyti majtas në foto) dhe Paolo Borsellino, të cilët kishin sjellë një numër të madh të mafiozëve në gjyq në vitin 1980 – u vranë nga Riina.
Një vit më vonë, ai u kap më në fund.
Edhe në paraburgim, Riina urdhëroi vrasjen e një djali 13-vjeçar i rrëmbyer për të ndaluar që babai i tij të zbulonte informacione rreth mafies. Djali u mbyt dhe trupi i tij u tret në acid.
Dhe, pjesërisht në shenjë proteste ndaj arrestimit të tij, bashkëpunëtorët e tij kryen një seri shpërthimesh në Romë, Milano dhe Firence në vitin 1993, duke lënë 10 të vdekur.
Riina ishte burgosur nën masa të rrepta të sigurisë në Mafiosos, me qëllim që të tërhiqnin plotësisht të burgosurit nga kontaktet e tyre kriminale.
Regjimi përfshin vizita familjare të kufizuara në mënyrë strikte.
Peticione për të që të liroheshin në arrest shtëpiak për ditët e tij të fundit u ndeshën me protesta të zemëruara nga të afërmit e disa prej viktimave të tij.
Djali më i madh i bosit të mafias, Giovanni, po vuan një dënim të përjetshëm në burg për katër vrasje.
