Është përfolur shumë për origjinën e bashkëshortes së ish-kapitenit të Kombëtares shqiptare, Lorik Cana. Duke qenë se është një ndër personazhet e njohur më patriotikë shqiptarë, Loriku i çuditi fansat kur vendosi që të martohej me një vajzë italiane që quhet Monica Ercoli.
Arsyeja sigurisht që është dashuria, dhe përshtypja që i la Monica, ajo vajza bionde bukuroshe, atë ditë në restorant:
“E pashë rastësisht në një restorant në Romë, i lashë numrin tim të telefonit kamerierit dhe ika, erdha në Shqipëri për t’u grumbulluar për ndeshje. Monika më dërgoi pas disa ditësh një mesazh ku me thoshte se këto mënyra kanë dalë nga moda, por mesa duket edhe pse jashtë mode mënyra ime funksionoi”, ka rrëfyer ai.
Por nëse ende po pyesni “pse Italinë”, Lorik Cana e ka ndarë mendjen për të jetuar edhe në Shqipëri. Ai ka marrë një apartament në një nga lagjet më të mira të Tiranës në rrugën “Mustafa Matohit”, që ndryshe quhet si lagja e VIP-ave pasi aty jeton edhe ish-kryeministri Sali Berisha.
Çifti janë fotografuar bashkë teksa dilnin nga shtëpia e tyre, të veshur casual, për një shëtitje në kryeqytet. I veshur me tuta dhe me një kapele sporti në zezë, Loriku qëndronte pranë Monica-s, e cila kishte veshur një pellush të zi dhe një palë taka të zeza. Dyshja qëndruan pak minuta para se të merrnin makinën “Porsche Cayenne” që sigurisht e ngiste kapiteni.
Nuk dihet nëse ata do të jetojnë përkohësisht në Tiranë dhe nëse kjo gjë lidhet me planet e afërta për punë të ish-kapitenit, i cili pak ditë më parë, i ftuar te Ermal Mamaqi tha se mund të bëhet edhe zëvendës i Armand Dukës, i cili është president i Federatës Shqiptare të Futbollit.
