Peshëngritësi i njohur, Daniel Godelli, synonte të thyente rekordin botëror, por ditën e djeshme ka marrë një lajm shumë të trishtuar. Ambasada e Shteteve të Bashkuara të Amerikës e njoftoi se iu mohua viza për të udhëtuar përtej Atlantikut.
Godelli kishte aplikuar për të marrë pjesë në kampionatin botëror të peshëngritjes, por sipas ambasadës nuk kishte garanci se do të kthehej.
Në një status në “Facebook”, Danieli shprehet se ishte bërë gati për të thyer një rekord botëror dhe fajin për këtë mohim ia ka faturuar Federatës:
“Jam sportisti, i cili ka marrë çdo lloj medalje që ekziston në glob më mungonte titulli botëror, të cilin e fitova në 2014 të cilën ma hoqën më pas padrejtësisht, më mungon dhe medalja olimpike.
Isha në formën që jo vetëm të merrja medalje në botërorin që bëhet në Amerikë po dhe të tentoja rekordin botëror dhe nuk më jepet viza, sepse s’ka garanci që unë do kthehem. Kam pasur oferta nga shumë shtete të botës që kur isha fëmijë dhe kurrë se kam çuar në mendje që të mund të ndërroj flamurin tim, për hir të atyre heronjve që kanë dhënë jetën për këtë flamur dhe unë do isha i gatshëm në çdo sekondë të jetës time të jepja jetën për këtë flamur e kurrë për karriget e cilitdo politikan apo drejtues aktual të federatës sime që flasin për flamur, ndërkohë nuk dinë sakrificën e një sportistit që vërtet lufton për flamur, e jo për monedha, që kurrë si kam kërkuar shtetit tim.
Dola kampion Europe në Kroaci në një stil, por të dalë një njeri dhe të thotë që për atë medalje të artë në Europë unë kërkova një qindarkë, s’kam kërkuar kurrë asgjë përveç atyre që më takojnë, tani kërkova që të merrja pjesë në botëror të tregoja se kush unë jam, që nuk merr doping po është vetë doping, doping i llojit që urrejtjen dhe pakorrektësinë nga gjithë këto njerëz e kthej forcë fizike dhe mendore, sepse unë s’kam nevojë për ampula apo kapsula të jem ky që jam dhe të arrij gjëra të cilët njerëzit thjesht nuk i perceptojnë dot.
I them federatës time që unë nuk humba sepse nuk u ngjita në pedan, as nuk dështova, por ju, ju humbet, ju mbani përgjegjësi për këtë, jo unë.
Duke theksuar që peshëngritja për shumicën e njerëzve është sport i rëndë, për mua është një lojë “play station”.
Turpi u ngelet ju si federatë e ju si shtet, të cilët s’doni një kampion bote, por doni njerëz që të vijnë për fushatë dhe servila, por jo, unë kurrë nuk mund të bëhem pjesë e një partie sado padrejtësi të më bëhen.
Unë jam DANIEL GODELLI, ai që frikëson botën në profesionin e tij, po ju kush jeni?!”, shkruan sportisti.
