Emisioni “Why not”, i Roza Latit ka startuar puntatën e parë me të ftuarin special Erion Veliajn.
Kryebashkiaku dha një intervistë për Rozën dhe u tregua i shpenguar në përgjigjet e tij, madje edhe kur bëhej fjalë për seksin.
“A të del koha për seks”: e pyeti Roza Lati, Veliajin.
“Do habitesh por më del. Përtej humorit, unë besoj se me pak organizim kushdo i bën të gjitha. Është edhe çështje prioriteti, por një ditë del edhe për të bërë punët e qejfit, edhe punët e sportit edhe angazhimet në punën ditore, por të jemi pak sistematik”:u përgjigj Veliaj pa ngurur.
Kryebashkiaku gjatë bisedës më Rozën u shpreh se i vinte keq për kohën e humbur kot të të rinjve shqiptar nëpër kafene.
“Mua një nga gjërat që më vjen keq në Tiranë kur udhëtoj lartë e poshtë për inspektimet, është se sa shumë harxhojmë kot, kafe plot, muhabet pa fund. Ndaj them që nëse nuk bën dot një gjë, sigurisht që nuk bën dot dy. Në këtë sens po të kemi një përdorim më të mirë të kohës ne mund të jemi më të dobishëm”, tha Erioni.
