A mund të kishte shpëtuar Jack? Kjo është një pyetje që fansat e filmit Titanic, ende e bëjnë edhe pse kanë kaluar 20 vjet.
Dhe pas kaq shumë kohësh, më në fund Kate Winslet, e cila luajti rolin e Rose në filmin e vitit 1997, zbuloi se ajo mendonte se dy të dashuruarit mund të kishin mbijetuar edhe nëse Rose nuk do ta lëshonte dorën e Jack.
Duke folur në një event të enjten, Winslet diskutoi skenën ku Jack (i luajtur nga Leonardo DiCaprio) ngriu për vdekje në ujë, ndërsa Rose u shtri në një derë që pluskonte mbi det, pas fundosjes së anijes. Winslet, 42 vjeç, tha:
‘Në një nga skena më tragjike të kinemasë, Jack insiston që Rose duhet të mbijetojë, zemra e saj do të vazhdojë. Ai e lëshon dorën e saj dhe zhytet në thellësinë e Atlantikut. Dhe unë personalisht mendoj se kishte mjaft hapësirë atje! “
Aktorja pranoi se ndoshta kishte vend për të dy personazhet, Jack dhe Rose të cilët mund të kishin mbijetuar nëse do të kishin qëndruar të dy mbi atë derë.
