Ermal Meta na befason gjithmonë e më shumë. Ndërkohë që po vijon turin e tij në Europë, ai ka publikuar një këngë të re nga albumi “Vietato morire”.
“Piccola anima” (Shpirti i vogël) titullohet kënga më e re e Ermali. Kjo këngë vjen si një bashkëpunim me këngëtaren e madhe italianë Elisa, e cila është e njohur edhe në Shqipëri, me këngën “Luce” që ka fituar festivalin e Sanremo-s.
Është një këngë e ngrohtë, krijuar prej tij, si të gjitha këngët e albumit, që i është veshur një klip i thjeshtë, i realizuar në një shesh të Komunës së Priverno-s.
“Rrugë të mbarë #piccolaanima! Uroj të bëhesh e madhe. Faleminderit Elisa-s për shpirtin e saj delikat dhe zërin e çmuar. Tani është juaja. Kujdesuni”: ka shkruar Ermal Meta teksa ka shpërndarë këngën.
