Që Capital T është ndër reperat më të dashur shqiptar, kjo kuptohet nga fansat që e ndjekin pas në çdo koncert.
Por askujt nuk do t’ia merrte mendja se fama e tij tashmë ka arritur deri në Shtetet e Bashkuara të Amerikës.
Ndërsa ka vendosur të mbajë koncertin e parë në “tokën e premtuar”, në krah i ka dalë si mbështetje një figurë e njohur.
Vetë babai i reperit të famshëm botëror Drake ka shpërndarë foton e koncertit të Capital T, duke shkruar se përveç suksesit në Shqipëri ai e ka përkrahjen e tij edhe në SHBA.
Është mësuar se në fund të vitit, Kapo do të zhvillojë disa koncerte në SHBA dhe një opsion i mundshëm është që ai ta shtrijë famën e tij përtej trevave shqiptare.
Nga ana tjetër pasi reperi shqiptar pa postimin e tij shkroi:
“Jeta është e çmendur! Babai i idhullit dhe frymëzimit tim Drake më njeh dhe më mbështet në SHBA”.
Por si ka mundësi që kjo gjë ra në veshin e Dennis Graham, babait të Drake?
Një nga mundësitë është kërkesa për reklamim, pasi të gjithë e dimë që nga personazhet publikë rrjetet sociale janë kthyer tashmë në një media fitimprurëse.
Ndoshta Capital T ka kontaktuar Graham duke i kërkuar që të postojë lajmërimin për koncertin e tij kundrejt një pagese. Sa ka fituar ai në këtë rast, as nuk e marrim dot me mend.
Burimi: Instagram/Iconstyle.al
