Këngëtarja Mariah Carey po i shtohet listës së personazheve të njohur që po akuzohen për sulme seksuale. Pak ditë pasi ajo u nderua me vendosjen e emrit të saj në Teatrin Kinez TCL në Los Anxhelos, Mariah është akuzuar për ngacmim seksual.
Akuzuaesi thotë se gjatë një udhëtimi në Cabo San Lucas, Mariah i kërkoi atij të vinte në dhomën e saj për të lëvizur disa valixhe. Kur ai shkoi atje e gjeti të veshur mjaft provokuese, në fakt më shumë të zhveshur dhe djali kishte kërkuar të dilte menjëherë nga dhoma.
Personi i quajtur Michael Anello ka qenë roja e saj e personale, dhe TMZ raporton se Anello po e akuzon këngëtaren edhe për denigrimin e tij duke e quajtur atë një nazist dhe një supremacist i bardhë.
Përfaqësuesit e Carey u shprehën se “nuk kanë informacion mbi akuzën për ngacmim seksual”.
Industria e muzikës dhe aktrimit është përmbytur nga një rrjedhë akuzash për ngacmime seksuale në katër javët e fundit, pas akuzave të shumta kundër producentit të Hollivudit Harvey Weinstein. Përveç tij, emra të tjerë të njohur si, prodhuesit e filmave James Toback dhe Brett Ratner, dhe aktorët Kevin Spacey dhe Ed Westwick, janë akuzuar për ngacmim seksual.
Burimi: Newsweek.com
