Modelja shkodrane po përjeton një nga momentet më të dhimbshme në jetën e saj, humbjen e një prej mikeshave më të ngushta.
Marissa ishte vajza që i doli në krahë dhe e ndihmoi kur Angela shkoi në SHBA, dhe ndarja e saj nga jeta është pritur me hidhërim nga Angela.
“Të kisha më shumë se motër”, shkruan ajo në një dedikim të ndjerë që mund ta shihni më poshtë:
“Këto janë fjalët më të trishta që më është dashur të shkruaj deri më sot. Engjëlli im, mikesha ime më e mirë, ajo që e kisha më shumë se motër, nuk është më! E dashur Marisa, 8 vite më parë kur të takova, më ndryshove jetën. Më bëre më të fortë, më të zgjuar, plot vetëbesim. U bëra e pamposhtur vetëm prej teje!
Jeta jote ishte një bekim, dashuria jote shkonte përtej asaj që mund të thonë fjalët dhe kujtimet e mia me ty tani janë kthyer në thesar. Do të jem përjetë mirënjohëse për besnikërinë, bujarinë dhe dashurinë! E vetmja gjë që më jep shpresë është të mendoj se të gjithë jemi të përkohshëm, kalimtarë të kësaj bote. U prehsh në paqe. Do të dua përjetë.”
