Erion Isai dhe Bes Kallaku kanë deklaruar prej kohësh miqësinë e tyre të ngushtë profesionale dhe shoqërore. 10 vitet e punës në “Portokalli” e afruan çiftin e njohu të humorit dhe sot ata janë miq të ngushtë, aq sa e konsiderojnë veten vëllezër.
“Besi është një mik i jashtëzakonshëm, partneri më jetëgjatë që kam pasur, kemi një mirëkuptim të jashtëzakonshëm. Besi është nga djemtë e rrallë që vështirë se gjen”, – thotë Erioni për mikun e tij.
Menjëherë pas largimit nga Portokallia Erioni dhe Besi knaë filluar planet për të ardhmen e tyre artistike. Natyrisht që televizioni do të jetë parësorë, përveç angazhimeve teatrale.
Akoma nuk e kanë kristalizuar projektin e ri që po mendojnë të sjellin në ekran, megjithatë Erioni zbuloi nga studio e emisionit “Rudina” se formati të cilin po mendojnë të sjellin të dy me Besin është një formulë e parrahur në ekranet shqiptare.
“Unë dhe Besi kemi provuar edhe dy ‘one man show’ së bashku, dhe me thënë të drejtën rruga e shkëputjes nga Portokallia ishte edhe arsyeja e një bashkëpunimi edhe më të gjatë. Kemi menduar për shkëputjen që para një viti dhe tani jemi gati t’i materializojnë projektet. Nuk kemi vendosur për kanalin televiziv. Tani do të përmbyllin “Këngën Magjike”, por idetë tona janë te humori. Ajo që mund të them është se do të jenë formula akoma të parrahura në ekranet shqiptare”, – rrëfen Isai pa dhënë shumë detaje.
Meqenëse kohët e fundit është fokusuar më shumë te regjia, Erioni rrëfen se edhe për projektin e ri me Besin ai ka dëshirë të qëndrojë pas kamerave, në regji, në skenar, ndërsa protagonisti do të jetë, natyrisht, Besi: “Në emisionin që do të fillojmë, unë do të jem pas kamerave.”
Ajo që pritet nga dyshja e humorit është pa diskutim humor – këtë e konfirmon edhe Erioni. Publiku i mësuar me rolet dhe batutat e tyre, tashmë pret cili do të jetë suksesi i tyre i radhës.
Para se të kristalizohet emisioni i tyre i ri, Besin dhe Erionin do ta shohim tek netët finale te “Kënga Magjike”, së bashku me Ardit Gjebrean.
