Pavarësisht se është në fillim të karrierës së saj si aktore, talenti i Anna Likës është shumë premtues për një rrugë të gjatë suksesi.
Mbesa e motrave Inis dhe Ingrit Gjoni kur u shfaq fillimisht në “Dance With Me” ishte shprehur se mori pjesë në spektakël pasi kërkonte burrë.
Por e gjithë kjo paska qenë një batutë nga ana e saj, pasi Anna e ka gjetur prej kohësh princin e kaltër.
“Ai di shumë mirë të nxjerrë melodinë më të bukur të zemrës sime, di të pikturojë tablonë më të bukur të jetës sime, është artisti që ka bërë që çdo ditë e imja të jetë më e bukur”, u shpreh aktorja e përlotur pas performancës me partnerin e saj në skenë, Albi Isakaj.
Një tjetër detaj që na dha ishte fakti se mashkulli i jetës së saj nuk po e ndiqte “live”. Kjo na lë të kuptojmë se ai ndodhet jashtë kufijve shqiptarë.
Kur u pyet nga Alketa për deklaratën që kishte bërë në nisje të spektaklit se ishte në kërkim të një burri, Anna u shpreh se ishte një shaka, pasi ajo është një tip që bën shumë batuta.
