Ylli i kinematografisë amerikane, Angeline Jolie, në daljet e saj të fundit në publik ka tmerruar fansat me këmbët e saj super të holla. Pothuaj në çdo dalje të saj publike, komentet për gjendjen e saj shëndetësore kanë qenë të panumërta. Ajo po humbet peshë çdo ditë e më shumë dhe kjo është e dukshme.
Në daljen e saj më të fundit ajo kishte veshur një fustan të zi të shkurtër, i cili kësaj here e zbulonte tërësisht gjëndjen e aktores.
Për fat të keq, 41-vjeçares i dallohen lehtësisht kockat. E veshur me të zeza, nëna e gjashtë fëmijëve ka humbur në mënyrë drastike shumë kilogramë, për shkak të sëmundjes së rëndë që kaloi, por ndoshta edhe për shkak të divorcit të bujshëm nga aktori i famshëm Brad Pitt.
E kush nuk do të donte ta shihte edhe njëherë si më parë yllin e kinematografisë amerikane, pasi shumë pak ka mbetur nga bukuria e saj. Në fakt, kjo nuk është hera e parë që ajo shfaqet në këtë gjendje në publik, por kësaj herë për shkak të fustanit më të shkurtër se zakonisht, duket më qartë gjendja e saj fizike duke tronditur fansat e saj.
