Dashi
Marsi nuk do të jetë në favorin tuaj kur të vijë puna për të treguar se cili është roli juaj në mjedisin profesional apo për t’u mbyllur gojën disa personave që i keni konkurrentë. Nuk do t’i duroni dot gjykimet e tjerëve, sidomos në këtë periudhë. Megjithatë, periudha mes datave 20-30 nëntor do të jetë shumë frytdhënëse dhe do të ndërmerrni projekte të reja. Jo të gjitha nismat që keni marrë në fillim të vitit kanë pasur sukses, por tani një ide e re do t’ju ndihmojë të kapërceni një krizë. Në datat 29 dhe 30 Mërkuri, Dielli, Saturni dhe Urani do të ndikojnë më së miri në shenjën tuaj dhe ju do të zgjidhni disa probleme. Mos prisni më shumë, bëni propozimet tuaja. Ka ardhur çasti të zgjidhni gjithçka që keni lënë pezull. Kush nga ju ka nisur një bashkëpunim të ri gjatë muajve të parë të vitit, ka pritur diçka më shumë. Në fushën e ndjenjave gjithçka është e qetë. Ata që janë të lidhur prej kohësh nuk duhet të shqetësohen fare. Dhjetori do të jetë një muaj më i bukur në fushën e ndjenjave. Shfrytëzojeni këtë periudhë, sepse disa miqësi të ngushta këtë muaj mund të shndërrohen në diçka më shumë në dhjetor. Nëse keni keqkuptime në çift, atëherë çelësi është vetëm vëmendja ndaj partnerit/es. Kush nga ju i ka dhënë fund një marrëdhënieje, mund t’i japë një mundësi tjetër vetes në fund të muajit. Ditët e fundit të nëntorit janë të mbushura me pasion dhe dëshira. Këtë muaj do të arrini të pushoni vetëm pas datës 20. Merrini gjërat më shtruar, nëse jeni sforcuar shumë këto kohë. Mjafton të ruani qetësinë dhe vetëkontrollin. Kurat për dhembjet e shpeshta të kokës apo të pagjumësisë mund t’i filloni pas datës 24.
Demi
Gjatë muajit tetor keni qenë të çoroditur dhe keni pasur keqkuptime në aspektin profesional. Nëse keni ndërmarrë një nismë apo një projekt të ri vitin e kaluar, tani s’jeni më të kënaqur me të. Ndiheni duarlidhur, sikur dikush ju detyron të bëni diçka që nuk dëshironi. Prisni lajme të reja në dhjetor. Tani jeni të gatshëm të përballeni me problemet që ju kanë vënë në vështirësi gjatë tetorit. Do të keni disa probleme ekonomike, sepse, për të çuar përpara projektet tuaja, sigurisht që duhen financime të mëdha. Në nëntor do të luftoni dhe në dhjetor do të fitoni. Datat 17 dhe 24 do të jenë të mbushura me nervozizëm, kini kujdes me ndryshimet që do të bëni. Për sa i përket fushës së ndjenjave, lidhjet që kanë arritur të mbijetojnë në tetor do ta kapërcejnë edhe nëntorin. Çiftet që rrezikojnë më shumë apo që janë të pasigurt për partnerët e tyre janë ato që sapo janë lidhur. Venusi është kundër shenjës suaj ndaj ndjenjave. Këtë muaj nuk kanë shumë hapësirë. Me gjasë jeni shumë të zënë me punë dhe s’i kushtoni vëmendje dashurisë. Gjatë datave 13-20 do të reflektoni shumë për marrëdhëniet tuaja dhe do të vendosni pikat mbi “i”. Për të lindurit e shenjës së Demit ndarja është gjithmonë e lodhshme dhe traumatike, por kjo nuk do të thotë se duhet t’i zvarritni gjërat për të mos u lënduar. Jeni ende shumë të stresuar dhe po përpiqeni të merrni frerët në dorë. Tetori s’ka qenë aspak i lehtë për ju, por i tillë do të jetë edhe nëntori. Do të tensionoheni për çështje parash që do të shpenzohen për shtëpinë dhe familjen. Dy muajt e fundit kanë qenë kaotikë dhe duhet të vini pak rregull në jetën tuaj. Gjatë datave 20-26 do të sfidoni fizikun dhe mendjen tuaj. Gjatë gjysmës së dytë të muajit durimi juaj do të vihet në provë.
Binjakët
Këtë muaj yjet do të jenë më miqësorë krahasuar me muajt e kaluar. Tanimë duhet të keni zgjidhur një problem të vështirë që ju doli gjatë fundit të verës. Për shembull, ata që kanë marrë hua për një aktivitet privat, duhet të rimëkëmben. Marsi dhe Jupiteri do të kalojnë në favorin tuaj dhe ndoshta do të përfitoni disa të ardhura më shumë këtë muaj. Do të arrini të gjeni zgjedhje për çështjet ligjore. Nuk do të përjetoni tensione të mëdha, por ato debatet e vogla që i ka jeta nuk do të mungojnë, sepse të lindurit në shenjën e Binjakëve nuk rrinë kurrë të qetë. Sigurisht që të gjitha këto ju stresojnë. Fusha e ndjenjave do të jetë e qëndrueshme. Kush ka një lidhje, do ta vazhdojë, kush është në kërkim të dashurisë, gjasat nuk janë shumë të mëdha, vetëm nëse hidhni sytë te miqësitë e reja që keni krijuar këta muajt e fundit. Në fakt, fundviti do të sjellë një rritje si në fushën profesionale, edhe në atë ekonomike. Ja pse gjithçka tjetër do të kalojë në plan të dytë. Kush nga ju ka krijuar lidhje me persona që janë të martuar apo që ndodhen shumë larg, i përdorin vetëm si strehë për të larguar vetminë dhe s’janë asgjë më tepër. Duhet të gjeni ekuilibrin në marrëdhëniet tuaja. Nëntori do të jetë një muaj i qetë, pa pengesa të mëdha nga planetët. Përjashtim bën vetëm Mërkuri, i cili mund të shkaktojë ndonjë diskutim banal apo konflikte në datat 26 dhe 30. Gjatë fundit të muajit duhet pasur më shumë kujdes, nuk duhet të ekspozoheni shumë. Fundi i vitit 2017 do të sjellë një sërë ndryshimesh të mëdha, të cilat sigurisht që duhen menaxhuar me dozën e duhur të kujdesit.
Gaforrja
Viti do të mbyllet në mënyrë shumë pozitive për ju. Ju kisha këshilluar të tregoheshit të duruar dhe se fillimet do të ishin të vështira, por në fund do të arrinit të bënit çka dëshironit. Venusi që ju qëndron në krah do të sjellë propozime interesante dhe emocione pozitive. Jupiteri ushqen krijimtarinë tuaj dhe falë kësaj do të zgjidhni disa situata që s’keni mundur t’i menaxhoni deri tani. Studentët që kanë mbaruar me rezultate të mira do të gjejnë menjëherë punë, pasi do të marrin oferta shumë interesante. Ja pse nuk duhet t’i nënvlerësoni fillimet e një karriere të re. Mos mendoni më për njerëzit që më parë ju kanë penguar të bëni përpara. Kjo do të jetë një periudhë e mirë edhe për nismat e reja tregtare, pasi do të merrni përgjigje pozitive. Nëntori do të jetë muaji i zgjedhjes së rëndësishme ose i një çlirimi të madh. Ata që dashurohen vërtet, nuk do të njohin kufij. Mundësi të mira bashkëpunimi mes partnerësh. Në datën 17 do të merrni një vendim të rëndësishëm për familjen tuaj. Gjatë kësaj periudhe edhe ata më të ndrojturit do të mund të shprehin dashurinë. Femrat e shenjës së Gaforres janë më të dhëna pas fëmijëve, sesa pas bashkëshortit. Lindja e një fëmije do të jetë një surprizë e bukur. Por mund të ndryshoni edhe shtëpinë tuaj. Në çift gjithçka shkon mirë, madje edhe lidhjet e sapokrijuara janë të rëndësishme. Yjet e nëntorit janë interesantë dhe pozitivë, sepse Dielli, Venusi dhe Jupiteri ju mbështesin. Do të ndiheni disi të nervozuar në datat 14,15 dhe 22, por asgjë me rëndësi. Është shumë e rëndësishme të jeni gjithmonë optimistë, sepse ndonjëherë përhumbeni në mendime negative.
Luani
Jupiteri ka disa muaj që ndikon në shenjën tuaj. Ndryshime të mëdha në jetën tuaj, shpenzime të shumta për shtëpinë, shpërngulje apo edhe rinovime kontratash. Është e qartë se këta dy muajt e fundit nuk karakterizohen nga e njëjta energji me të cilën nisët fillimin e vitit, por nuk duhet të trembeni. Do të përballeni me më shumë pengesa apo me sfida pikërisht në një periudhë kur këto të fundit duhen shmangur. Do ta keni më të lehtë të gjeni zgjidhje për problemet tuaja pas datës 27. Mos hidhni hapa të gabuar, sepse s’është çasti i duhur për të bërë marifete të panevojshme. Muaji nëntor do të jetë shumë konfliktual, mund të ndiheni të mënjanuar apo të mos ndiheni mirë edhe fizikisht, gjë që do të ndikojë edhe në aspektin profesional. Nëse gjatë muajve të parë të vitit keni marrë hua për blerjen e një shtëpie, nëntori do të jetë muaji i duhur për t’i bërë mirë llogaritë. Nuk do të lejoni askënd nga familja që t’ju gjykojë, sepse kjo është pikërisht ajo që nuk duroni: armiqësia e të tjerëve. Edhe fusha e ndjenjave do të jetë po ashtu e tensionuar, sidomos në mes të muajit. Duhet t’i kapërceni zhgënjimet. Kini kujdes me marrëdhëniet paralele. Kush nga ju nuk arrin të krijojë një marrëdhënie, duhet të bëjë një analizë të lidhjeve që i përkasin së shkuarës. Nëse keni një lidhje që është në buzë të greminës, do t’i jepni fund. Do ta keni të vështirë të mbani gjithçka në kontroll. Nëse bëni ndonjë blerje, tregohuni të kujdesshëm me dokumentet. Forma fizike nuk do të jetë aspak e mirë. Kini kujdes me viruset stinore. Ditët më të lodhshme do të jenë nga data 17 deri në datën 24. Stresi po fillon të ketë efekt në gjendjen tuaj shëndetësore.
Virgjëresha
Yjet vazhdojnë t’ju mbështesin. Duhet të tregoheni më të kujdesshëm me financat tuaja, sepse do të bëni disa shpenzime të paparashikuara për shtëpinë; restaurime apo edhe për mirëqenien e fëmijëve. Në këtë periudhë do të ndërmerrni nisma të rëndësishme. Tregohuni më të kujdesshëm ndaj shëndetit, sepse s’do të jeni në formë të mirë fizike. Nuk është momenti i duhur të nisni projekte që shkaktojnë stres psikofizik. Megjithatë, Jupiteri ju ushqen me forcë dhe energji. Të lindurit në fund të gushtit janë më të favorizuar, sepse e ndiejnë se janë të aftë të futen sërish në lojë. Ata që kanë gjetur punë tjetër, më në fund tani mund të gjejnë pak qetësi. Kujdes nga debatet me kolegët apo me persona të afërt me ju, që s’janë më aq të gatshëm t’ju durojnë si zakonisht. Shtatë ditët e fundit të nëntorit janë më pak të efektshme në aspektin profesional, sepse nuk do të jeni shumë të përqendruar. Dashuria nuk duhet nënvlerësuar dhe këtë e them për të gjitha çiftet që kanë kaluar një krizë kohët e fundit. Nuk përjashtoj një stres të fortë emotiv dhe mendor, për shembull, në datat 19 dhe 26 të lindurit e shenjës suaj do të kalojnë një sfidë të vështirë. Mos merrni gjithçka si të mirëqenë, gjithçka duhet analizuar më së miri. Takime dhe njohje të bukura për beqarët e Virgjëreshës. Çiftet e konsoliduara duhet të kenë kujdes me fjalët apo me nervozizmin që ndiejnë. Nuk duhet të lejoni kurrsesi që në marrëdhënien tuaj të ndërhyjë një i tretë, qoftë ky edhe familjar. Pas datës 23 do të ndiheni më të stresuar, megjithatë nëntori është një muaj me shumë gjëra për të bërë, ja pse do të ndiheni gjatë gjithë kohës në tension. Të dielat e muajit duhen menaxhuar me kujdes. Mos u stërmundoni. Të dielën e datës 26 bëni kujdes maksimal.
Peshorja
Vazhdon periudha e rezultateve pozitive për ju. Marsi ka nisur kalimin në shenjën tuaj prej disa ditësh tashmë dhe në datën 17 do të kombinohet më së miri me Mërkurin. Nëntori premton shumë për kontratat e reja. Në varësi të aktivitetit që kryeni, të përvojës apo të moshës, të ardhurat tuaja do të shtohen. Çiftet që jetojnë prej kohësh me qira tani duhet të mendojnë për të blerë një shtëpi. Mund të themi me plot gojë se të gjitha aktivitetet financiare apo sipërmarrjet ekonomike do të kenë shumë sukses. Ka edhe nga ata që duhet të nisin gjithçka nga e para. Kini kujdes me ndryshimet e menjëhershme. Dashuria vazhdon të jetë protagoniste në jetën tuaj. Marsi i bukur dhe plot pasion kalon plotësisht në shenjën tuaj. Kjo është një periudhë që do të dhurojë emocione të këndshme, sidomos në datën 14. Nëse keni një raport në krizë, ka ardhur momenti t’i jepni fund. Ndiheni të lodhur dhe nervozë pikërisht sepse doni t’i jepni fund një historie që ju bën të vuani. Vazhdojnë të jenë të favorizuara martesat dhe lindjet. Do të merrni disa të ardhura të paparashikuara, me gjasë nga ndonjë trashëgimi. Të mos harrojmë se Jupiteri do të favorizojë edhe blerjet e pronave apo shpërnguljet. Çiftet e dashuruara do të shpërblehen në fund të vitit. Nuk mungojnë energjitë pozitive. Mërkuri zë një pozicion të mrekullueshëm në datën 5 dhe 22. Mund të themi se vazhdon faza e rikuperimit që ka nisur që prej shtatorit. Nuk do të mungojë edhe nervozizmi, por, nëse arrini ta kontrolloni, do të arrini pikërisht aty ku doni. Nëntori është muaji i formës më të mirë psikofizike.
Akrepi
Në shenjën tuaj janë tre planetë: Dielli, Jupiteri dhe Venusi që do të mbërrijë në datën 7. Këtë muaj do të jeni të vendosur që të nisni gjithçka nga e para me optimizmin e duhur. Ide të reja për aktivitetet tuaja. Gjatë shtatë-tetë muajve të fundit keni ndryshuar tërësisht mënyrën tuaj të të punuarit. Mund të tregoni kush jeni, nëse jeni në rolin e shefit. Jeni duke bërë një punë shumë herë më të lehtë nga studimet që keni përfunduar. Yjet ofrojnë një sërë mundësish dhe pikërisht kjo ka rëndësi. Kush nga ju sapo ka mbaruar studimet, do të marrë menjëherë një propozim dhe kështu do të nisni një rrugë që do t’ju çojë shumë larg. Në datën 16 ose 17 do të merrni një përgjigje që e prisnit. Disa nga ju do të hapin një aktivitet privat, duke u treguar kështu largpamës. Në fakt, nëntori është muaji i ndjenjave. Të rinjtë që kanë ndërruar shtëpi, që bashkëjetojnë apo që kanë ligjëruar bashkimin me partnerët nuk janë aspak të zhgënjyer nga zgjedhjet që kanë bërë kohët e fundit. Miqësitë do të shndërrohen në diçka më shumë. Duke mos i lënë hapësirë një ndjenje të vërtetë, nuk keni arritur të shprehni simpatinë që ndieni. Çiftet që janë lidhur prej kohësh duhet të gjejnë sërish intimitetin që kanë humbur. Me Venusin në shenjën tuaj, edhe pasioni është i favorizuar këtë muaj. Nëse tregoheni me mend, një fëmijë mund të vijë në jetë, nëse ju e dëshironi. Datat 17 dhe 24 janë të favorizuara për takimet e reja. Ftoj të gjithë ata që kanë qenë në krizë gjatë muajve të parë të vitit të lënë mënjanë debatet dhe nervozizmin, pasi po bllokojnë marrëdhënien në çift. Kjo është një periudhë e favorshme për të rënë në dashuri. Pavarësisht nga fakti se këta muajt e fundit keni vuajtur nga shqetësime nervore, tani keni gjetur kurën e duhur dhe pa dyshim që do të jeni në formë më të mirë fizike. Terapitë që nisin në datën 17 do të jenë më të efektshme. Rreth datës 24 tregohuni më të kujdesshëm me ushqimin.
Shigjetari
Këtë muaj është Mërkuri ai që do të hyjë në shenjën tuaj zoodiakale dhe do t’i afrohet në mënyrë miqësore Saturnit derisa kombinimi i tyre të kulmojë në datën 28. Idetë tuaja do të bëhen realitet. Në datën 22 do të kalojë edhe Dielli në shenjën tuaj duke ju ndihmuar në iniciativat e reja që do të ndërmerrni. Ky muaj ngjason shumë me muajt e parë të vitit, të cilët kanë qenë shumë të rëndësishëm. Kush nga ju i ka vënë gjërat në vijë, sigurisht që do të marrë një përgjigje pozitive edhe këtë muaj. Asnjë nga planetët nuk është kundër jush. Ky muaj do të jetë i rëndësishëm për provimet dhe për bizneset private. Tani që yjet janë në favorin tuaj, bëni mirë që të shpërndani CV-të te personat e duhur. Suksesi në aspektin profesional do të zgjasë shumë. Ky do të jetë një muaj i rëndësishëm edhe në fushën e ndjenjave, edhe pse tre muajt e fundit jeni përballur me probleme të ndryshme. Ata që duan të martohen apo të bëhen me fëmijë, janë më se të favorizuar. Shumë nga ju nuk e shohin vjeshtën si periudhën më të mirë për ndjenjat dhe martesat, por ja që kjo është e duhura për ju nga pikëpamja astrologjike. Jeni të lidhur prej kohësh? Kini kujdes, sepse dikush tjetër mund t’ju tërheqë vëmendjen. Tradhtitë nuk jua këshillojmë asnjëherë, por këtë muaj do të keni shumë sharm dhe me siguri do të magjepsni dikë. Datat më të favorizuara do të jenë 18, 19, 29 dhe 30. Ky është një qiell shumë i bukur për të rifituar energjitë dhe formën tuaj fizike. Është e rëndësishme të mos stërmundoheni, sepse ju e dini si jeni brumosur, nuk pushoni asnjë minutë. Të gjithë ata që kanë pasur probleme, mund të përpiqen t’i kapërcejnë dhe do të jenë fitimtarë. Kjo është periudha e ndryshime rrënjësore pozitive për ju. Kurat janë të favorizuara pas datës 22.
Bricjapi
Ndiheni disi të tensionuar tani që Marsi është larg shenjës suaj, por kjo gjë është normale, pasi keni kaluar një periudhë të mbushur me debate dhe lodhje. Duhet t’ju kujtoj se këtë muaj do të jeni ju fitimtarët. Yjet janë shumë të bukur tani që Dielli, Venusi, Jupiteri dhe Hëna do të kombinohen, sidomos në datën 17. Nëse jeni drejtues i një aktiviteti, do të merrni një përgjigje pozitive. Çështjet ligjore, materiale apo të lidhura me ndërrimin e një zyre do të zgjidhen në mënyrë të shkëlqyer. Këtë herë duhet të kërkoni këshillën e një avokati apo specialisti për t’u mbrojtur nga disa akuza të paqena, dhe rrjedhimisht mund të fitoni edhe para. Do t’i fitoni të gjitha betejat tuaja dhe kjo situatë do të vazhdojë edhe në muajt pasardhës. Edhe marrëveshjet janë të favorizuara, sidomos gjatë gjysmës së dytë të muajit, kur mund të merrni një propozim të mirë për të lidhur një kontratë. Është e rëndësishme të mos u jepni shumë rëndësi kritikave të personave ziliqarë, të cilët janë po të njëjtët që u përpoqën t’ju pengonin në fillim të vitit. Dashuria është protagonistja kryesore këtë muaj, falë Venusit që do të ketë ndikim më të madh pas javës së parë të muajit. Jo të gjithë do të binden me propozimet e para dhe Bricjapët duan shumë të binden, por duhet të jeni më të çlirët. Jupiteri ushqen shpresa dhe do të jetë aktiv deri në fund të vitit. Ftoj të gjithë ata që janë të vetmuar prej kohësh të hedhin sytë rrotull. Do të ndiheni të tërhequr nga të lindurit në shenjën e Peshqve, Akrepit, madje edhe ndaj Gaforres, edhe pse këta të fundit janë shumë të vështirë për t’u menaxhuar nga njerëz të logjikshëm si ju. Emocionet janë shumë të rëndësishme. Kur mendja është e shëndoshë, atëherë edhe trupi është i tillë. Bashkë me dëshirën për të dashuruar do të kthehet edhe qëndrueshmëria psikofizike. Venusi do t’ju ndihmojë të kapërceni lodhjen që ndieni, e cila do të përkthehet ndryshe në kriza ankthi. Është momenti të nisni kurat e duhura për shëndetin tuaj.
Ujori
Uroj që ju të keni një punë të qëndrueshme dhe të keni pasur sukses gjatë këtyre muajve, në të kundërt tani do të përballeni me probleme. Është e qartë se duhet të tregohen shumë të duruar ata që janë duke nisur një rrugë të re profesionale apo që kanë ndryshuar punë këto kohët e fundit. Kjo është periudha e duhur për të mbjellë frytet e duhura, jo për të rrezikuar. Bizneset që janë në një gjendje staniacioni prej kohësh, tani mund të mbyllin ndonjë marrëveshje të mirë falë Marsit që i favorizon. Bashkëpunimet apo ortakëritë do të vihen në rrezik për shkak të disa problemeve ligjore. Në krahasim me vitin e kaluar, këtë vit ndiheni më nervozë, sepse jeni të pasigurt se çfarë duhet bërë. Propozimet që keni marrë kohët e fundit nuk janë shumë të kënaqshme. Nuk është momenti të bëni ndryshime, nëse keni një punë fikse. Edhe nëse ajo s’ju pëlqen, bëni mirë të duroni. Është e rëndësishme të ruani qetësinë në fushën e ndjenjave, sidomos në datën 7. Në këtë periudhë mund të diskutoni për çdo vogëlsi me partnerët. Nëse njëri nga ju të dy ka një problem, është e qartë se edhe pasioni do të venitet disi. Ujorët nuk do të tolerojnë askënd në nëntor dhe tani mund të shfaqin gjithë pakënaqësitë e tyre. E premtja e datës 24 do të shënojë pakënaqësinë më të madhe. Marrëdhëniet e sapokrijuara janë shumë të tensionuara. Mos bini në kurthin e dashurive të pamundura apo të lidheni me persona që janë shumë larg jush. Sigurisht që nuk do të marrin fund të gjitha marrëdhëniet sentimentale, por edhe lidhjet më të forta do të hasin probleme që janë të vështira për t’u mbajtur në kontroll. Kini shumë kujdes në datat 13-19. Mos u stërmundoni. Pushoni dhe reflektoni për pak, sepse kjo gjë do t’ju ndihmojë shumë. Do të filloni ta merrni veten pas datës 22 falë Diellit. Kurat janë të favorizuara pas datës 24 dhe në datën 29.
Peshqit
Për disa nga ju ka ardhur çasti të veproni. Tanimë s’ka asnjë dyshim, gjithçka do të shkojë fjollë. Ata që duan të hapin një aktivitet privat apo të bashkëpunojnë me ortakë të rinj, yjet ju favorizojnë shumë në këtë rrugë të re profesionale. Në vitin 2016 jeni ankuar se keni punuar shumë e jeni shpërblyer pak, ndërsa këtë vit është krejt e kundërta. Falë kombinimit të Venusit, Jupiteri dhe Saturnit do të merrni një lajm të shkëlqyer në dhjetor. Këto janë ditë shumë interesante për të bërë gjëra që ju i gjykoni si jashtë mundësive tuaja. Sigurisht që nuk duhet rrezikuar shumë, sidomos me paratë. Sfera e miqësisë është shumë e rëndësishme dhe kush punon në një skuadër të vërtetë, do të ndihet më i vlerësuar. Mund të kërkoni rinovimin e një kontrate. Nëntori do të jetë i nxehtë në fushën e ndjenjave. Me gjasë do të përjetoni momente të mbushura me sensualitet. Në datën 17 mund të njiheni me njeriun tuaj të zemrës. Çiftet tanimë mund të mendojnë për të blerë shtëpi apo për një fëmijë. Nëntori do t’ju ushqejë me shpresa dhe kjo periudhë do të zgjatë. Takimet e reja dhe pasioni do t’u japë mundësi edhe personave më dyshues që të gjejnë dikë të përshtatshëm. Është një periudhë e shkëlqyer për të menduar për martesë apo për bashkëjetesë. Marrëdhëniet në familje do të përmirësohen shumë. Të pakënaqurit ndoshta do të mendojnë të gjejnë dikë tjetër. Nuk i përjashtojmë rastet e tradhtisë. Shumë nga të lindurit në shenjën e Peshqve do të hapin një faqe të re në fillim të vitit. Forma juaj fizike është shumë e mirë, por për shkak të ndikimit të Saturnit ju këshillojmë të keni kujdes të dielave. Ka ardhur çasti të angazhoheni në maksimum. Yjet premtojnë shumë, por mos i çoni dëm energjitë. Kurat janë të favorizuara pas datës 17.
