Kryebashkiaku Erion Veliaj ka njoftuar se në 29 nëntor, për “Natën e Bardhë”, në Tiranë do të vijë një ndër artistet më të mëdha.
Bëhet fjalë për këngëtaren britanike, Emeli Sande e cila do të sjellë për publikun shqiptar disa prej hiteve të saj si “My kind of Love” “Hurts”, “Read all about it”.
Siç është tashmë një traditë, Nata e Bardhë, festa simbol e kryeqytetit, ka sjellë në Tiranë artistë shumë të njohur dhe të dashur për shqiptarët, dhe nuk kishte si të ndodhte ndryshe edhe këtë vit.
Vitin që shkoi, shqiptarët sfiduan temperaturat e ulëta nën tingujt e muzikës italiane të Giusy Ferreri-t.
Tashmë është radha e muzikës britanike, ndaj bëhuni gati të mësoni tekstin e këngëve të saj për t’i kënduar në sheshin “Nënë Tereza” më 29 nëntor.
