Emisioni i Marina Vjollcës “C’est la vie” është në përgatitjet e tij të fundit. Moderatorja e njohur një ditë më parë zbuloi edhe ditën kur do të nisë transmetimin programi i shumëpritur në TV Klan, si dhe anëtarët e jurisë.
Aleksandër Lalo, Rovena Lule, Altin Goci do të jenë anëtarët profesionistë të jurisë që do të japin vlerësimin e tyre për çiftin më të mirë.
Po kështu, janë zbuluar edhe të ftuarit e parë, djemtë e ThreeDots, Flori Mumajesi, Bruno, Klajdi Haruni dhe DJ Vicky . I ftuar do të jetë gjithashtu edhe doktori i njohur i VIP-ve, Skerdi Faria.
Në profilet e tyre sociale, kanë postuar foto me hashtagun “C’est la vie” edhe Fatma Haxhialiu së bashku me grupin e njohur Offchestra. A do të jenë edhe ata një çift tjetër në këtë garë muzikore? Presim të dielën në orën 20.05.
