31 tetor
Teatër
“Zëra pas skene”
Teatri kombëtar në kuadër të Kalendarit Artistik të përbashkët Shqipëri Kosovë,mirëpret trupën teatrore nga Gjakova, ditën e martë,më datë 31 Tetor,ora 19:00, me shfaqjen “Zëra pas skene” me regjisorin tashmë të njohur nga të gjithë ne, Ilir Bokshi.
Rezervimet në nr. 042223022 orari biletarisë 9:00-13:00 dhe 16:00-19:00.
31 tetor
Halloween Party
Merrni një maskë me vete, vishuni çuditshëm, në mendje një vjershë, këngë, ose gjëegjëzë dhe ejani në datën 31 Tetor, nga ora 10.00 në Zoo Park.
Pavarësisht origjinës së festës së Halloween, faktit nëse ajo simbolizon largimin e verës dhe ardhjen e dimrit, vitit të ri, apo ditën e të gjithë Shenjtëve, ajo është bërë pjesë e traditës festive të shumë vendeve në botë dhe prej vitesh festohet edhe në Shqipëri. Pa dyshim është një festë e frikshme, ngjall kuriozitet pasi është e veshur nga një dozë misteri. Shumë libra dhe filma janë frymëzuar nga kjo atmosferë, madje edhe fëmijët e duan këtë festë, ndoshta pikërisht prej efektit sugjestionues të saj. Festimi është një rast për të trembur frikërat dhe për qeshur me to. Çdo festë është një rast për të qenë së bashku, fëmijët, të rinjtë, prindërit, të gjithë. Ne dëshirojmë ta presim këtë festë së bashku me fëmijët në Park, të mos i frikësojmë, por t’i presim në një atmosferë plot elementë atraktivë, fëminorë, argëtues, duke i dhënë mundësi të luajnë dhe argëtohen së bashku, të vizatojnë, të kërcejnë, të këndojnë, sfilojnë dhe të realizojnë albumin më të bukur fotografik të fëmijërisë.
Bashkohuni me festën, ju presim në Zoo Park gjatë gjithë ditës!
31 tetor
Dita Botërore e Qyteteve
Qytete më të Mira, Jetë më e Mirë!
Në kuadër të Edu dhe Dita në Re dhe Ditës Botërore të Qyteteve, Ju presim më datë 31 Tetor 2017, prej orës 11:00, tek “Reja”!
Kombet e Bashkuara kanë caktuar datën 31 Tetor, si Ditën Botërore të Qyteteve, me qëllimin për të promovuar zhvillimin urban dhe për të adresuar sfidat e urbanizimi.
Tema e këtij viti lidhet me qasjen inovative të qeverisjes së qyteteve dhe krijimin e qyteteve si qendra të hapura, që ofrojnë më shumë mundësi bashkëpunimi dhe komunikimi, duke kombinuar kultura, komunitete dhe industri të ndryshme, duke frymëzuar inovacionin urban dhe zhvillimin njerëzor. Prirja për të patur qytete të hapura, të larmishme dhe bashkëpunuese udhëheq rrugën për një qeveri inovatore urbane.
Qëllimi që REC Shqipëri po organizon këtë event, në bashkëpunim me Drejtorinë e Politikave të Edukimit Mjedisor të Bashkisë Tiranë, është njohja me disa praktika të mira që zbatohen në qytetin e Tiranës dhe diskutimi mes aktorëve të ndryshëm për përmirësimin e qeverisjes vendore, në kuadër të zbatimit të Axhendës 2030 dhe në arritjen e Objektivave për Zhvillim të Qëndrueshëm.
