Nuk e dimë se çfarë po ndodh me “Top Channel” , por një numër i madh punonjësish të televizionit, duke filluar nga moderatorë apo gazetarë po largohen çdo ditë.
Largimi i radhës vjen nga gazetari dhe korrespondenti nga Beogradi, Idro Seferi, i cili ka njoftuar të gjithë ndjekësit e tij në “Facebook” së pas 10 vitesh punë nuk do të jetë më pjesë e Top-it.
“Të gjithëve na ndahen idetë dhe interesat në momente të caktuara dhe mënyra sesi i vlerësojmë gjërat si njerëz, është gjithmonë subjektive, po aq sa është gazetaria megjithatë një përshtypje personale mbi ngjarjet që shohim”, shkruan korrespondenti i Top Channel.
Më nuk do te jem gazetar i “Top Channel”. I falënderoj koleget për punë të gjatë dhe të palodhshme dhe gjithë stafin dhe drejtuesit e “Top Channel” që më kanë dhënë mundësi e hapësirë të tregoj se çfarë di dhe të mësoj e te ngre gjithmonë veten dhe ofertën ndaj publikut.
Të gjithëve na ndahen idetë dhe interesat ne momente te caktuara dhe mënyra se si i vlerësojmë gjerat si njerëz është gjithmonë subjektive, po aq sa është gazetaria megjithatë një përshtypje personale mbi ngjarjet qe ne shohim. Arsyet e largimit janë të natyrës teknike dhe të vendimit personal për ta parë veten më qetë pas një volumi të madh te punës. Më shumë se kaq nuk dua ta komentoj dhe për mua të gjithë tek “Top Channel” janë miq. Për mua TCH mbetet një etape prozaike, e pa imagjinueshme dhe një nder për mua të bëj një punë që s’do të përsëritet dy herë”!
