Kanë kaluar vetëm katër muaj pasi Beyonce solli në jetë binjakët Sir dhe Rumi dhe tashmë këngëtarja ka kthyer fizikun e përpara shtatzënisë.
Jo vetëm fiziku, por edhe stili i saj i veçantë ka tërhequr gjithmonë vëmendjen.
Paraqitja e fundit që na mahniti ishte ai në koncertin e bamirësisë TIDAL X BROOKLYN, natën e së martës, ku 36-vjeçarja dukej sensuale në një fustan ngjyrë jeshile nga Walter Mendez të kombinuar me pelushin lejla dhe këpucët me xixa.
Por ajo që na tërhoqi ne vëmendjen ishte çanta në formën rrethore me dizajnin e parave të prerjes 100 dollarëshe, e gjitha e mbuluar me gurë.
Ndaj “Iconstyle.al” vendosi që të zbulonte disa detaje më shumë.
Kur dizajnuesi i guximshëm Alexander Wang dhe dizajnuesja e çantave Judith Leiber do të bashkoheshin, atëherë rezultati do të ishte me siguri një çantë e tillë, unike dhe e pamenduar më parë. Një tufë me para me prerjeje 100 dollarëshe kapen me rripin delikat, ky është dizajni i çantës, që është një aksesor me prodhim të limituar “limited edition”.
Por ajo që e bën më të veçantë çantën “Alexander Wang XJudith Leiber” është fakti se në të ndodhen saktësisht 10,263 kristale “Swarovski” në nuancat e të zezës, tejdukshmet, grisë dhe jeshiles.
Nëse ju ka shpëtuar çanta u prezantua gjatë koleksionit pranverë/verë 18 të Wang gjatë Javës së Modës në Nju-Jork SS18.
Një nga 20 kopjet e vetme që ndodhen, është realizuar për një javë me dorë, kështu që nuk do të habiteni me çmimin: 4,995 dollarë.
Kim Kardashian ishte personazhi i parë publik që tha se ishte e fiksuar pas këtij aksesori. Pasi publikoi një video të çantës në fillim të muajit, ajo shkroi: “Po, një tufë parash… të vetmet që do t’ju bëjnë të kërceni. Jam në parajsë”.
Burimi: Iconstyle.al
