Moderatorja shqiptare nuk ka folur ndonjëherë për jetën private, por në fillim të shtatorit vendosi që të publikonte një foto me partnerin e saj.
Nga komentet “Iconstyle.al” kuptoi se djali që i ka marrë zemrës Jona Spahiut quhet Frenkli Ymeri dhe ndan një profesion të ngjashëm me të, gazetar në “DigitAlb”.
Por duket se na kishte shpëtuar një detaj jo pak i rëndësishëm! Unaza që mban në dorë Jona.
Dhe është një aksesor i veçantë për dorën e moderatores, pasi në asnjë nga fotot e mëparshme nuk do të dalloni një unazë.
Nga kërkimet në profilin e saj në “Instagram” gjetëm se, Spahiu është shfaqur për herë të parë me unazën në dorë në foton e publikuar më 21 gusht, pak ditë para se të postonte foton me partnerin e saj më 2 shtator.
Nuk flitet për një unazë të zakonshme, por nga ato të fejesave, të sjellë në stil më modern, me tre gurë të çmuar.
Dhe që nga ajo kohë unaza ishte një aksesor i pandashëm në dorën e saj.
Këto dy fakte mjaftojnë për të kuptuar se lidhja e çiftit tashmë është bërë zyrtare. Një foto e publikuar në “Instastory”-in e Jona Spahiut përforcoi këtë mendim.
Ajo shfaqej krah partnerit Frenkli Ymeri brenda një shtëpie, me unazën në gishtin e saj të fejesës. Nuk do të ishte e çuditshme të mendonit se çifti ka hedhur një hap më të madh dhe mund të nisin bashkëjetesën.
Burimi: Iconstyle.al/Instagram
