Mbretëresha Elizabeta II është e njohur si një monarke modeste dhe dinjitoze. Megjithatë, ajo ka të drejtë të mos ndjekë disa ligje të caktuara.
“Bright Side” listoi ligjet më të çmendura që Mbretëresha mund të thyejë.
10. Nuk është e nevojshme të ndjekë kufijtë e shpejtësisë.
Të gjitha rregullat e limiteve të shpejtësisë mund të thyhen nga ajo kudo në vend, por natyrisht Mbretëresha nuk abuzon me këtë fuqi.
9. Nuk ka nevojë për patentë.
Pavarësisht faktit që të gjitha lejet e drejtimit në Britaninë e Madhe janë lëshuar në emër të saj, Mbretëresha Elizabeth nuk ka nevojë të ketë një të tillë. Ajo as nuk kishte nevojë të kalonte praktikën ose të bënte guidë. Sidoqoftë, ajo është shumë e mirë në drejtimin e makinës dhe ka qenë shofere ambulance gjatë luftës.
8. Mbretëresha nuk ka nevojë për pasaportë.
Madhëria e saj nuk ka nevojë për një pasaportë dhe kjo nuk do ta ndalojë atë që të udhëtojë. Ajo është një nga shumë pak njerëzit në botë, që nuk ka nevojë të ketë një dokument zyrtar identifikimi.
7. Ajo është e çliruar nga kërkesat për informacion.
Në Mbretërinë e Bashkuar, ashtu si në shumicën e vendeve, ekziston një sistem i lirisë së informimit që lejon shtypin dhe publikun të bëjnë çdo lloj pyetjeje. Por familja mbretërore ka fuqinë ta bllokojë. Ata janë absolutisht të lirë të mos japin ndonjë informacion privat.
6. Nuk paguan taksat.
Të gjithë qytetarët e Britanisë së Madhe, si në shumë vende të tjera, duhet të paguajnë taksat në varësi të të ardhurave të tyre. Mbretëresha është e përjashtuar nga ky ligj. Megjithatë, ajo ka paguar taksat në mënyrë vullnetare që nga viti 1992.
5. Mbretëresha mund të shpallë edhe luftë.
Mbretëresha Elizabeta mund të shpallë luftë kundër çdo vendi në çdo moment. Në praktikë vendimet e tilla ndërmerren nga Parlamenti, por zyrtarisht kanë nevojë për lejen e Mbretëreshës.
4. Ajo nuk mund të paditet.
Ajo gjithashtu ka të drejtën të mos japë dëshmi në një gjykatë dhe sigurisht ajo nuk mund të ndiqet penalisht.
3. Ajo mbron të gjithë fëmijët e Britanisë së Madhe.
Mbretëresha është kujdestarja zyrtare e të gjithë fëmijëve në Mbretërinë e Bashkuar. Prandaj, ajo teknikisht ka të drejtën të marrë fëmijën e dikujt. Por, mos u shqetësoni, ajo kurrë nuk e ka bërë këtë.
2. Ajo ka të drejtë të vandalizojë pronën.
Nën rrethana të caktuara, të tilla si një emergjencë kombëtare, Mbretëresha ka të drejtën të thyejë, të hyjë dhe të shkatërrojë çdo pronë. Tingëllon pak e frikshme, por patjetër që mund t’i besojmë asaj.
1. Mbretëresha mund të shkelë çdo ligj.
Ndoshta duhet të kishim filluar me këtë, por kjo nuk do të ishte shumë intriguese. Në të vërtetë, Madhëria e saj është fjalë për fjalë mbi ligjin. Ajo ka të drejtë të shkelë çdo ligj. Megjithatë, Mbretëresha Elizabeta është mjaft modeste.
Burimi: BrightSide
