Moderatori shqiptar, Labinot Gashi i ka dhënë fund beqarisë në një ceremoni private me miq e të ftuar në Prishtinë.
Ai kurorëzoi lidhjen disa vjeçare me Qëndresa Bajramin dhe kishte planifikuar një ditë speciale që do të mbahej mend gjatë.
Ndryshe nga dasmat e tjera, Labi e mori nusen e tij me tren. Nga Prishtina deri në Pejë, treni i zbukuruar me shirita dhe tullumbace, udhëtoi me çiftin e veshur për ceremoninë, ku nuk munguan edhe fotot.
Në mbrëmjen e së dielës çifti festuan me familjarë, miq e shumë fytyra të njohura publike, mes të cilëve edhe këngëtarja Big Mama.
Në videon e mëposhtme mund të shikoni Labin duke vallëzuar me Qëndresën.
Por festa e tyre vijoi edhe mbrëmjen e së hënës me një ceremoni të veçantë të organizuar posaçërisht për shoqërinë.
Çifti dukej shkëlqyer dhe ambienti ishte dekoruar në mënyrë përrallore, që dukej sikur po binte një shi meteorësh në sallë.
Akoma dhe më të veçantë ishin fustanet e nuses, Qëndresa, e cila ndërroi plot tre gjatë dy ditëve të dasmës.
