“Më shihni si një njeri të barabartë me veten dhe jo si dikush me aftësi të veçanta”.
Kështu u shpreh studentja 23-vjeçare bjelloruse, Aleksandra Chichikova, pasi fitoi kurorën e më të bukurës në ”Miss Wheelchair World” (Miss Bota në Karrige me rrota) zhvilluar para pak ditësh në Varshavë. Në këtë konkurs bukurie, i veçantë në llojin e tij pasi synon të hedhë poshtë stigmat që rrethojnë njerëzit me aftësi të veçanta, morën pjesë 24 vajza nga 19 vende të ndryshme të botës.
“Unë jam e bindur se jeta ime mund të tregojë se një njeri mund të jetë i suksesshëm, i fortë dhe me synime, i bukur dhe tërheqës, pavarësisht mënyrës se si lëviz”, u shpreh ajo në intervistën e parë pas marrjes së titullit.
Aleksandra Chichikova, studente në psikologji dhe pedagogji sociale u vlerësua me çmimin e parë, ndjekur nga Lebohang Monyatsi nga Afrika që u rendit në vend të dytë.
