Vijon të rritet numri i femrave që janë ngacmuar seksualisht nga Harvey Weinstein.
Një tjetër viktimë e sulmeve seksuale të producentit të njohur, ka dëshmuar një rast që mund ta implikojë edhe më tej çështjen e manjatit të filmave.
Modelja Cara Delevigne ka arritur të deklarojë hapur se si ajo u sulmua seksualisht nga Harvey Weinstein.
Në një deklaratë të publikuar në “Instagram”, ajo tregoi se pas një takimi me Weinstein në hollin e hotelit, ai e pyeti nëse donte të shkonte në dhomën e tij, ku e priste dhe një femër tjetër.
Pas kësaj, ajo u përballë me një kërkesë ku duhet të puthte femrën tjetër, gjë të cilën Cara nuk e pranoi.
Kur do largohej nga dhoma, modelja britanike duhet të shmangte përpjekjet e producentit për ta puthur pa dëshirë.
Ajo u njoh me të sepse do kishte një rol në një film, për të cilin ndihet akoma keq që ka marrë pjesë. Duket se 25-vjecarja është prekur nga rasti i denoncimit të tij për përdhunimin e femrave dhe ka bërë disa postime të gjata, duke mbështetur të gjitha femrat që kanë rënë pre e tij.
