E vendosur për të hyrë në botën e spektaklit dhe ekranit shqiptar, fillimisht Rezarta Shkurta e nisi këtë rrugëtim me konkursin e bukurisë. Ishte vetëm 19 vjeçe kur u kurorëzua Miss Durrësi më 25 dhjetor të 2005-s.
Më pas Shkurta vendosi të niste karrierën si modele gjatë 2006-s , për të vijuar më tej rrugëtimin drejt muzikës. Dhe ndërsa kthehemi 12 vite më parë mund të dallojmë ndryshimin e dukshëm në paraqitjen e këngëtares.
Pavarësisht se tashmë është 30 vjeçe, transformimi në tiparet e Rezartës është për një arsye më shumë sesa thjesht të viteve.
Ajo u shfaq fillimisht në muzikë me këngët “Matura” dhe “Të dielave” të cilat bënë shumë bujë. Dy këngë me stile të ndryshme, por në qendër të tyre ishte këngëtarja bionde me trupin sensual, që nxirrte asetet e saj.
Shumë persona mund ta njihnin në atë kohë për modelin e saj të flokëve bionde me fije dhe me onde. Rezarta solli në atë kohë një stil të ri muzike dhe stili të paraqitjes: e zhveshur, por bukur.
2008
Ajo ruajti të njëjtin stil paraqitjeje edhe në vitin 2008 me këngën “Kapriçoze”, ndërsa tashmë cilësohej si biondja e bukur dhe sensuale.
Po në atë vit ajo u paraqit edhe në festivalin “Top Fest” me këngën “Kafazi” ku pati mjaft sukses dhe më pas në festivalin “Polifest” me këngën “Engjujt luten për ne”.
Në këngën e kompozuar nga Genti Lako, “Në parajsën time”, Shkurta erdhi me një rrymë të re në muzikë për repertorin e saj, stilin më sportiv, por duke mos u larguar nga skenat me veshjet joshëse.
2010
Në këtë vit pamë një Rezarta komplet ndryshe: brune dhe nudo. Fotoja e saj në atë kohë ishte padyshim një tabu e pathyer më parë nga ndonjë artiste shqiptare.
Por në 2010 ajo do të realizonte një këngë kushtuar ish-mikeshës së saj, modeles Afroviti Gogës, ka qenë pak më e ngushtë se marrëdhëniet e zakonshme mes dy shoqeve.
Të dyja vajzat, të cilat u rritën bashkë në qytetin e Durrësit, ruajtën miqësinë mes tyre edhe kur këngëtarja vendosi t’i japë fund beqarisë duke u martuar zyrtarisht me Ermal Hoxhën. Por pasi miqësia mori fund Rezarta kërkoi nga Pirro Çako një këngë kushtuar eksperiencës së saj.
Në po të njëjtin vit ishte Rozana Radi ajo qe e paditi për sulm fizik ndaj saj, duke vërshuar gazetat më deklarata të ndryshme mbi rastin.
2011
2010-ta nuk ishte viti më i mirë i këngëtares, ndaj duket se ajo ndoqi një strategji në 2011-n duke u kthyer me një duet me këngëtarin nga Kosova, Vedat Ademi. Duke i qëndruar look-ut të saj të ri dhe me një paraqitje më “casual”.
2012
Ky ishte vit i ndryshimeve në paraqitjen e Rezartës.
Në klipin e këngës “Droga jam” të gjithë dalluam ndryshimin në zvogëlimin e hundës dhe një rebelim të saj (përmes veshjes), që nuk e kishim dalluar më herët.
2014-ta ishte viti më i lumtur për të, pasi këngëtarja përjetoi emocionet e të qenit nënë për herë të parë.
Ndërsa një vit pasi u bënë prindër, bashkëshorti i saj Ermal Hoxha u arrestua nga policia për trafikim të lëndëve narkotike.
Rezarta vendosi që të shkëputej nga publiku duke mbyllur dhe rrjetet sociale, për t’u rikthyer pak kohë më parë, me ndryshime të reja.
Vitin e kaluar këngëtarja u përfol për zmadhimin e buzëve, ndërkohë që nga krahasimet mes fotove dallojmë ndryshimin e tipareve.
Burimi: Iconstyle.al
