Vazhdon të jetë i bllokuar aplikimi për Lotarinë Amerikane. Serveri ka lënë në baltë gjithë të interesuarit që janë dyndur në faqen www.dvlottery.state.gov, për të aplikuar për një mundësi drejt tokës së premtuar.
Nëse klikon në këtë faqe, ajo del jashtë shërbimit dhe në kushte të tilla, të gjithë të interesuarit nuk mund të aplikojnë derisa faqja të rivihet në funksionim. Mësohet se po punohet për vënien e saj në funksionim. Ajo që duhet të bëni është të vazhdoni të tentoni.
Sipas njoftimit të bërë që në nisje të aplikimeve, keni kohë deri më datën 7 nëntor 2017 për të bërë aplikimin.
