Jo më larg se një ditë më parë, Jon Gjebrea, djali i producentit Ardit Gjebrea, zbuloi lidhjen e tij me një bionde bukuroshe që quhet Merlin Haxhiymeri.
Prej kohësh ai publikonte foto me femra të bukura, foto nga jeta e natës, por asnjëherë nuk kishte dalë hapur, sa i përket jetës private. Megjithatë, Joni dhe e dashura e tij, Merlin Haxhiymeri janë së bashku prej një kohe të gjatë, por vetëm tani kanë vendosur ta bëjnë publike.
Çifti kanë marrë bekimin edhe nga prindërit e djalit, Ardit dhe bashkëshortja Anila, të cilët kanë pëlqyer foton e të birit të publikuar në “Instagram”. Prej kohësh ata janë në dijeni të kësaj lidhje që mund të ketë mbi një vit, dhe kjo duket edhe nga komentet që Merlin ka lënë në fotot familjare të Jonit, në qershor të vitit të kaluar:
Nga ana tjetër ende nuk dimë opinionin e prindërve të vajzës për këtë lidhje. “Iconstyle.al” përmes burimeve arriti të zbulonte dje se familja e Merlin nuk është e panjohur për publikun. Më saktësisht babai i saj është një personazh publik mes politikës dhe biznesit, të cilin mund ta keni parë në intervistat televizive apo në fushatat elektorale.
Fuad Haxhiymerin ka qenë i ftuar në emisionin “E Diela Shqiptare”, që prezantohet nga Ardit Gjebrea, më 18 qershor, kohë nga e cila mund të kuptojmë se lidhja e dy të rinjve kishte nisur tashmë.
