Skenat më të përfolura të filmave janë ato që tregojnë momentet intime mes aktorëve, të cilat, në kinematografinë shqiptare kanë nisur pas viteve ’90.
Megjithatë, edhe pse jo skena të mirfillta nuditeti dhe seksi, tabuja në kinematografinë shqiptare u thye me skenën e puthjes së Rajmonda Bulkut me Timo Fllokon.
“Vdekja e kalit”(1992)
Aktorja Rajmonda Bulku ka folur për skenën e puthjes me aktorin Timo Flloko te filmi “Vdekja e Kalit”. Megjithëse kishte “hyrë kohë tjetër”, aktorja ka treguar në një intervistë për “Panoramën” se nuk ndihej e lirshme në këto skena, edhe pse ishte aktorja e parë që theu tabunë:
“Së pari nga ana ime që nuk kisha fare lirshmërinë e duhur për ta bërë, isha gjatë gjithë kohës nervoze. Nuk shpëtoi nga këto ndjesi as Timo Flloko, por regjisori, Saimir Kumbaro, gjente mënyrat e duhura për të të ‘futur në kurth’, për të të lehtësuar në këtë proces që ishte në fillimet e tij. Sepse ishte një kapërcim që po ndodhte për herë të parë”.
“Bolero”, (1997)
Revolucioni më i madh erdhi në filmin “Bolero” të regjisorit Besnik Bisha, i cili solli skenën e guximshme nga vetë bashkëshortja e tij Anila Bisha. Pas kabinës së dushit dhe me një peshqir ajo realizoi një skenë intimiteti me aktorin Ilir Bezhani. Në film pati edhe një skenë akoma më të guximshme nga Ola Morava e cila luante rolin e një prostitute.
“Heshtja e Lornës”, (2008)
“Heshtja e Lornës”, ku rolin kryesor e luan aktorja kosovare, Arta Dobroshi, u zgjodh si filmi më i mirë nga Komisioni Evropian, i cili i akordoi edhe një shumë parsh për t’u përkthyer në të gjitha gjuhët e BE-së. Aktorja Arta Dobroshi u shpreh se interpretimi i këtij roli i kishte falur shumë kënaqësi. Filmi dhuroi skena ku Lorna shfaqej krejtësisht nudo, dhe u përfol shumë në Kosovë e Shqipëri.
“Pharmakon” (2012)
Një nga filmat shqiptarë që është përfolur më shumë ka qenë ‘Pharmakon’, interpretuar nga Olta Gixhari dhe Kastro Zizo. Në këtë film, i cili është një realizim mjaft i arrirë, ka edhe skena erotike mes Gixharit e Zizos, për të cilat këngëtari thotë se kanë qenë pjesa më e vështirë e xhirimeve. Ai aty dashurohet me një vajzë të bukur, e cila bën lojë të dyfishtë mes tij e të atit. Një rol që e luan mjeshtërisht aktorja simpatike, Olta Gixhari.
“Dashuria e Bjeshkëve të Nemuna 2”, (2013)
Më e bukura e Kosovës në vitin 1996, Diellza Kolgeci e provoi veten edhe si aktore, madje në skena shumë të nxehta. Ajo ishte pjesë e filmit “Dashuria e Bjeshkëve të Nemuna 2”, ku luan rolin e “Diellzës” një vajzë shqiptaro-amerikane, e cila në pjesën e dytë të filmit erdhi shumë e guximshme duke dalë komplet e zhveshur në skena të nxehta.
“Distant angels” (2016)
Teura Krasniqi bashkë me Nik Xhelilaj u bënë protagonistë të projektit kinematografik “Distant angels”, por përpos rolit të tyre, në film ra në sy një skenë, ku Krasniqi shihet tërësisht nudo. Regjisori Gjergj Xhuvani drejtoi një film që do të bashkonte Shqipërinë dhe Kosovën, për të rrëfyer eksodin e vitit 1999 në Kosovë. Për të shfaqur në tërësinë e vet jetën e kosovarëve të asaj kohe, një skenë shfaqi aktoren Teuta Krasniqi nudo teksa lahej, një skenë që u komentua gjerësisht.
Burimi: Iconstyle.al
