Historitë personale të personazheve publikë mbrohen prej tyre me shumë fanatizëm, por një mënyrë e lehtë për të zbuluar pak më shumë janë rrjetet sociale.
Pas shumë aludimeve, Seldi Qalliu dhe Mimoza Shkodra pranuan më në fund se janë duke jetuar një romancë së bashku.
Seldi është ndarë nga lidhja që pati prej vitesh me Dafina Zekën, vajzën e deputetit të njohur të Kosovës, Milaim Zeka. Por pavarësisht kësaj, duket se nëna e Seldit, Monda ka ende një “debulesë” për ish-të fejuarën e këngëtarit.
Në “Facebook”-un e saj gjendet katër foto në të cilat ndodhet Dafina:
Njëra është një foto familjare e publikuar rreth një vit më parë në të cilën Dafina shfaqet pranë Seldit, nënës dhe babait të tij.
Në një foto të publikuar në gusht të 2014-s shfaqet vetëm Dafina me Seldin, duke parë njëri-tjetrin në sy.
Ndërsa në dy fotot e tjera të realizuara në 2013-n dhe 2012-n nëna e Seldit shfaqet përhrah ish-të fejuarës së tij.
Gjithashtu edhe Dafina ka ruajtur ende në profilin e saj në “Facebook”, një foto nga korriku i 2015-s të Seldit, në Vlorë.
Gjithsesi këtu nuk ka asgjë për të çuditur, që zonja Monda të vazhdojë të ketë marrëdhënie të mira me ish-të fejuarën e të birit. Vetë Seldi ka rrëfyer pak kohë më parë se ai dhe Dafina janë ndarë mirë mes tyre pa mosmarrëveshje.
Tashmë presim të shohim marrëdhënien e Mimozës me vjehrrën e saj të ardhshme.
Burimi: Facebook
