Një nga temat më të folura gjatë dy ditëve, të fundit ishte rasti i masakrës së një qeni nga 14-vjeçar në Kuçovë.
Emisioni “Top Show” që kishte si temë rastin në fjalë, kishte ftuar mes të tjerëve edhe moderatoren Roza Lati së bashku me qenin e saj. Të gjithë e dimë se Roza ka një lidhje shumë të veçantë me kafshët, madje gjithmonë ka dalë në mbrojtje të tyre.
Pak kohë më parë ajo ka hedhur në gjyq pronarin e një dyqani kafshësh, për arsyen se ai i keqtrajtonte ato dhe i mbante të sëmurë.
Teksa në monitor shfaqej masakra e qenit, Roza ka shpërthyer në lot dhe përveç se është prekur nga ku gjest është ndjerë e tmerruar. Sigurisht që të gjithë e dimë se kjo video është shumë barbare për këdo, që e sheh, por janë pikërisht adhuruesit e kafshëve ata që preken më së shumti.
