Aktori i njohur shqiptar, që po korr sukses jashtë kufijve tanë, Marko Caka ka njoftuar projektin e ri mbi të cilin po punon, bashkë me emra të njohur të kinematografisë botërore.
Bëhet fjalë për filmin e ri të regjisorit Woody Allen, “Shi në muzeum”, pjesë e të cilit do të jenë një kast i gjerë aktorësh të njohur, si Selena Gomez, Jude Law, Elle Fanning dhe shumë të tjerë.
Këtij kasti të mrekullueshëm i është shtuar edhe emri i aktorit shqiptar, Marko Caka, i cili ka korrur mjaft sukses në Hollywood.
Përmes një postimi në “Facebook”, Caka ka falënderuar regjisorin për mundësinë, si dhe ka treguar sesi ndihet pranë Selena Gomez
“Një falënderim special për regjisorin e madh Woody Allen, që më dha mundësinë brenda 8 aktoreve, te jem pjesë e vetëm një skene speciale te Selene Gomez “Shi në muzeum” në projektin e madh të tij filmik e në Amazon Studio për vitin 2018 me një numër yjesh, si Jude Law, Elle Fanning. Megjithese kemi filluar xhirimet në 3 të mëngjesit, por ja vlen kur shikon gjithnjë buzëqeshjen e Gomez duke na folur të gjithëve duke harruar shiun improvizues që binte. Nuk thuhet kot se Woody Allen bën vetëm mrekullira në sheshxhirim, që duhet të jesh me fat ta përjetosh nga afër”, ka shkruar Caka.
