Detaje të reja vazhdojnë të dalin në dritë nga masakra e së dielën në Las Vegas, ku agresori Stephen Paddock vrau 58 persona dhe plagosi më shumë se 500 të tjerë.
Foto të reja janë publikuar nga dhoma e hotelit, ku duket trupi i pajetë i autorit të kësaj ngjarje të tmerrshme, si dhe municionet e përdorura nga ai.
Autoritetet amerikane thanë se Paddock kishte instaluar dy kamera në korridor dhe një tek syri derës për të parë afrimin e forcave të rendit.
Hetuesit amerikanë ende nuk kanë asnjë të re për sa i takon arsyeve që e shtynë 64-vjeçarin, që të kryente masakrën, por nuk kanë dyshime se ai e kishte planifikuar në detajet më të vogla, me një saktësi të frikshme ushtarake./TCH
*Shfleto galerinë
