Ajo është një ndër aktoret e njohura në industrinë e filmit, e cila arriti kulmin e famës me filmin “Pretty Woman” në vitet 1990. Teksa kthehet pas në kohë, Julia Roberts tregon se ka qenë një “shejtane e vogël” dhe egoiste gjatë ditëve të para si një aktore.
Në një intervistë të dhënë për “Harper’s Bazaar”, aktorja e cila mbush 50 vjeçe muajin e ardhshëm, është shprehur se prioriteti ishte vetëm vetvetja kur ishte e re, por gjithçka ndryshoi që kur takoi bashkëshortin e saj, Daniel Moder, me të cilin ka tre fëmijë: binjakët Hazel dhe Finn 13 vjeç dhe Henry, 10 vjeç.
Bukuroshja bionde duket e mrekullueshme në kopertinën e kësaj reviste, e veshur me një fustan të kuq që shfaq dekoltenë e saj elegante teksa pozon.
“Prioriteti im isha unë, një shejtane e vogël dhe egoiste kur bëhej fjalë për filma”, ka thënë aktorja, roli i parë i së cilës ka qenë në moshën 21-vjeçare.
“Ishte takimi me Danny-n… momenti kur gjeta veten time. Kur mendoj për gjënë që e bëri jetën time të merrte kuptim, ishte ai”, thotë aktorja.
Burimi: Daily Mail
