Sam Smith ka nisur një romancë të re me aktorin e njohur të serialit “13 Reasons Why”, Brandon Flynn.
Të dielën, këngëtari konfirmoi thashethemet, teksa shëtiste në New York me partnerin e ri për krahu, para se t’i dhuronte atij një puthje romantike.
25-vjeçari, fitues i çmimeve Grammys dhe aktori 23-vjeçar i lindur në Miami, u shfaqën tepër komodë nën shoqërinë e njëri-tjetrit.
Sam i ka dhënë fund lidhjes me modelin Jay Camilleri në vitin 2016, pas një marrëdhënieje të shkurtër me modelin Jonathan Zeizel në vitin 2014.
Ai madje ia ka dedikuar Zeizelin këngën “Stay with me”, me të cilën fitoi shumë Grammys.
Kur mori një nga çmimet ai e falënderoi ish-in duke thënë: “Unë dua të falënderoj njeriun për të cilin është shënuar ky rekord, të cilin e dashuroja vitin e kaluar. Faleminderit aq shumë që më theve zemrën time, sepse më bëre të marr katër çmime Grammys”.
