Shqiptari i cili grimon motrat Kardashian-Jenner do të jetë në Shqipëri për të zhvilluar një klasë “tutorial”, për të gjitha femrat, që janë të pasionuara pas makijazhit.
Në një lidhje me “Skype” mëngjesin e sotëm në emisionin “Wake up”, Ariel u shpreh se ndihet mjaft i lumtur që do të vijë sërish në Shqipëri. Ai u shpreh se ka qenë edhe dy herë të tjera në vendlindje dhe një nga gjërat, që i pëlqen më shumë është ushqimi.
Gjithashtu Ariel zbuloi se jeton në të njëjtën shtëpi me Anxhelina Hadërgjonaj, vajzën e Albërie Hadërgjonajt, që prej vitesh tashmë jeton në SHBA.
Përsa i përket familjes Kardashian-Jenner, Ariel zbuloi se ndihet mjaft mirë pranë tyre, pasi ato janë vajza që punojnë shumë dhe ja bëjnë qejfin vetes prej kësaj pune të madhe që bëjnë, e cila ju jep edhe luksin të ndihen mirë me veten.
