Si sot tre vite më parë Olta Xhaçka dhe Artan Gaçi celebruan dashurinë e tyre. Çifti i tha “Po” njëri-tjetrit 4 tetorin e vitit 2014 në Kalanë e Petrelës.
Në atë kohë Xhaçka ishte deputete socialiste e zgjedhur në qarkun e Korçës, ndërsa Gaçi deputet i zgjedhur në qarkun e Tiranës. Tashmë, 3-vjetori i martesës e gjen Olta Xhaçkën ministre të Mbrojtjes, ndërsa bashkëshorti i saj vendosi të mos rikandidonte si deputet.
Olta si nuse u shfaq me thjeshtësinë që e karakterizon, fustanin e bardhë me detajet e dantellës në të dhe vellon të gjatë, si dhe një makijazh drejt natyrales.
Në një organizim shumë të veçantë në mes të vendit ndodhej një pemë në të cilën ishin varur letra, në të cilat mendojmë se shkruheshin urimet për çiftin.
Pas ceremonisë hapëse, dasma vijoi në një lokal në zonën e Petrelës, ndërsa pjesë e saj u bë mes të ftuarve dhe çifti kryeministror, Edi dhe Linda Rama.
“Artan Gaçi dhe Olta Xhaçka kanë kënaqësinë t’ju ftojnë në ceremoninë e kurorëzimit të lidhjes së tyre në martesë”, shkruhej në ftesën që çifti u shpërndau miqve me të cilët ndau momentet e asaj dite të bukur.
Burimi: Iconstyle.al
