Në botën e të famshmëve lidhjet janë mbajtur shpesh të fshehta deri në momentin, kur janë “kapur mat” nga fansat ose kur kanë vendosur ta bëjnë publike, për të hedhur një hap më shumë.
E tillë është edhe jeta persona e Flori Mumajesit: një enigmë. Pavarësisht se këngëtari shqiptar ka dashur që t’i mbajë lidhjet e tij të dashurisë private, nuk ka mundur dot.
Dhe në një mënyrë apo një tjetër i ka kushtuar, edhe këngë atyre. Lidhjet e tij mund të jenë të kenë qenë të shumta, por ndër më të përfolurat me personazhet e njohura të ekranit shqiptar janë katër.
Dy prej tyre tashmë janë në një status angazhimi më të lart sesa thjesht një lidhje dhe Flori pas ndarjes nisi një lidhje të re.
Orinda Huta dhe fundi i “hidhur”
Kantautori kohë më parë u përfol për një lidhje me këngëtaren, e cila sipas thashethemeve nuk përfundoi aspak mirë dhe këtë e kuptuam me këngën “Playback”. “E ke ti një talent dhe pse unë nuk po ta them/ Mos bëj si e vështirë/ Se më kupton ti shumë mirë”, këndon në refrenin e këngës Flori, me të cilën konkuroi në “Këngën Magjike” të vitit 2009.
Ndërsa në 2008-n ishte Orinda Huta e cila bashkë me Albanin bëri këngën “Tradhtia”.
Vite më parë, rreth 2003-shit, Flori i realizoi këngën “Të dua”, Orinda Hutës, në të cilën dëgjohej në sfond zëri i tij. Dashuri kishte, por arsyeja e ndarjes nuk u kuptua asnjëherë.
Soni Malaj, pas ndarjes ka miqësi
Dashuria e tyre e cila ishte ndër më të bukurat mes personazheve, të skenës shqiptare në vitet 2007 dhe ndër të vetmet që ka pranuar publikisht Flori deri më tani.
Do të ishte Ardit Gjebrea te “Kënga Magjike” e atij viti, që pas performancës së këngës “Fluturimi 3470”, do të nxiste Florin të puthte Sonin në buzë.
Por, romanca mori fund papritur. Asnjëri prej tyre nuk preferoi të japë detaje për ndarjen dhe pak nga pak u distancuan nga njëri-tjetri. Gjithsesi dyshja nuk pati një ndarje me zënka, ndërsa të dy vazhdojnë të ruajnë respekt për njëri tjetrin. Pasi në një intervistë në maj, Soni e cilësoi si një nga kanatautorët më të suksesshëm.
Elvana Gjata, lidhja që u mohua gjithmonë
Për Flori Mumajesin dhe Elvana Gjatën është folur shumë për një lidhje dashurie mes tyre. Madje vetëm një vit më parë u zbulua se dyshja gjatë konecerteve akomodohej të të njëjtën dhomë, gjë që forcoi dyshimet për një lidhje mes çiftit. Por në pranverë të këtij viti u përfol se dyshja ishte ndarë, pasi vendosën të ndanin aksionet për biznesin e përbashkët, të cilat më pas Elvana vendosi t’i shiste.
Menjëherë pasi çifti thuhet se u nda, këngëtarja udhëtoi për në SHBA ku publikoi projektin e saj të parë në anglisht “Forever is Over”. Që prej asaj kohe çdo veprim që ata bëjnë, fansat kërkojnë për ndonjë detaj më shumë.
Liberta Spahiu, dashuria e momentit
Prej kohësh po përflitet se kantautori Flori Mumajesi dhe moderatorja Liberta Spahiu janë në një lidhje. Madje në portalet online është shkruar se çifti po bashkëjeton, por sesa e vërtetë është kjo nuk dihet pasi asnjëri prej tyre nuk vendos të flasë.
Burimi: Iconstyle.al
