Në ngjarjen, që u cilësua si masakra më e tmerrshme në Amerikë ishin edhe shumë shqiptarë. Mbrëmjen e së dielës një 64-vjeçar u mori jetën 58 personave dhe plagosi mbi 500 të tjerë, pasi hapi zjarr nga dhoma e hotelit në turmën me njerëz, që ishin mbledhur për koncertin e muzikës “country”.
Në mesin e të rrezikuarve nga atentatori kanë qenë edhe 15 shqiptarë, për të cilët ka folur biznesmeni Fatmir Frank Hamzaj. Në një prononcim për INA, Hamzaj shprehet:
“Aty janë të punësuar mbi 15 shqiptarë, të cilët janë roje sigurie apo punonjës të lojërave të fatit dhe mirëmbajtës së kazinosë së famshme ‘Mandalay Bay Hotel’. Në atë moment që ndodhi ngjarja, asnjëri prej tyre deri tani nuk thuhet se ka qenë pjesëmarrës në koncertin muzikor, në rrugën 91-Str., i cili është një shesh përballë kazinosë ku ndodhi ngjarja dhe fatmirësisht, të gjithë, pra të 15 shqiptarët, duke folur me ta tani, më thanë se janë shëndosh e mirë.”
Sipas të dhënave të fundit, Stephen Paddock kishte 42 armë zjarri dhe dhjetëra eksplozivë, të cilët do t’i përdorte nëse sulmi do të vazhdonte dhe terroristi të mos kryente vetëvrasje.
Burimi: INA
