Sot nisin aplikimet për Lotarinë Amerikane. Për të sqaruar se si bëhet përzgjedhja e fituesve, por edhe për të treguar cilat janë gabimet që nuk duhet të bëni, në emisionin “Rudina” ishin të ftuar përfaqësuesit e Ambasadës Amerikane, Emily Enright dhe Lorenc Mansaku.
Ndër të tjera, ata sqaruan procesin e aplikimit të Lotarisë, kriteret dhe përzgjedhjen e fituesve. Sipas Mansakut, çdo aplikimi i vendoset një numër dhe çdo shtet nuk mund të marrë më shumë se 7%. Përzgjedhja bëhet në një zyrë në Kentucky dhe është në mënyrë të rastësishme.
“Ka shumë interes kjo pjesa se si përzgjidhen. Çdo personi, çdo aplikimi i vendoset një numër dhe pastaj këta numra hidhen në short, në lotari. Çdo shtet dhe Shqipëria, nuk mund të marrë më shumë se 7 për qind të rajonit të Europës. Ky është kushti. Dhe Shqipëria ka qenë me fat në këtë drejtim” – tha Mansaku.
Gjithashtu, ata sqaruan se cilat janë gabimet që bëhen më shpesh në Lotarinë Amerikane.
/Class
