Ai është një nga zërat më të veçantë, të muzikës shqiptare dhe këtë vit do të kemi fatin, ta shohim më shpesh në televizion.
Renis Gjoka do të jetë pjesë e talent show-t “The Voice Kids”. I ftuar sot në emisionin ‘Wake Up’ ai zbuloi disa detaje rreth pjesëmarrjes dhe gjithashtu tregoi për herë të parë se është në një lidhje dashurie prej 10 vitesh.
Kjo ishte hera e parë që këngëtari foli për jetën e tij private, pasi e ka mbajtur gjithmonë larg vëmendjes së medias. Duke qenë se kanë kaq shumë kohë bashkë dhe e kanë mbajtur sekret, Renisi u pyet nëse ka plane për martesë dhe përgjigja e tij ishte e prerë.
“Jo, nuk ka plane”, tha ai dhe u përgjigj shumë shkurt. Ai edhe këtë herë e mbajti të fshehur identitetin e partneres së tij. Ndërkohë, “Iconstyle.al” ka siguruar një foto të Renisit me të dashurën e tij.
Fotoja që është realizuar në qershor të këtij viti në qytetin e Pogradecit, e shfaq Renisin me partneren dhe qenin e tij, në shëtitoren buzë liqenit të Ohrit. Të veshur sportivë, çifti duket se ka preferuar qytetin e freskët, për të kaluar disa ditë relaksi nën shoqërinë e njëri-tjetrit.
E ndërkohë që kjo foto është e vetmja që mundëm të siguronim, shpresojmë që Renisi të mos vonojë shumë për të na prezantuar më në fund vajzën që i ka rrëmbyer zemrën.
Burimi: Iconstyle.al
