Një debat degjeneroi në përleshje fizike mes deputetit kosovar, Milaim Zeka dhe aktivistit të Vetëvendosjes, Frashër Krasniqi në emisionin “InfoLokale”, në Klan Kosova.
Në një video të postuar nga vetë faqja zyrtare e Klan Kosovës, Zeka dhe Krasniqi, shfaqen duke debatuar me njëri tjetrin me tone të buta, por më pas e gjitha ka degjeneruar me fjalë të pista e më pas të dy kanë kaluar në dhunë fizike.
Ka qenë aktivisti, ai që e nisi të gjithën duke i hedhur një gotë me ujë deputetin dhe duke e ofenduar, më pas ky i fundit e ka goditur me shishen e ujit. Më pas të dy janë përplasur në studio fizikisht, por janë ndarë nga persona të tjerë që gjendeshin në prapaskenë.
Videoja është postuar nga Klan Kosova:
